التى ادامنىڭ ءومىرىن جالماعان اپات ورنىندا تاعى قايعىلى جاعداي. وڭتۇستىك قازاقستانداعى قازىعۇرت اسۋى ماڭىندا بولعان بۇل جولعى وقىس وقيعادان 2 ادام ءولىپ، 6 جولاۋشى جارالانعان. سوققىنىڭ قاتتى بولعانى سونشا، جولاۋشىلاردىڭ ءبىرىنىڭ باسىن جۇلىپ كەتىپتى، - دەپ حابارلايدى Qamshy.kz كتك ارناسىنا سىلتەمە جاساپ.

ءىرى جول اپاتى شىمكەنتتەن 30 شاقىرىم جەردە تۇسكى مەزگىلدە بولدى. «فولكسفاگەن دجەتتا» 8 ورىندىق «كيا»  كولىگىمەن بەتپە-بەت سوقتىعىسقان. «جىبەك جولى» بەكەتىنەن شىققان مينيۆەندە جۇرگىزۋشىدەن وزگە 6 وزبەك ازاماتى بولعان ەكەن. قوس مۇردە ءمايىتحاناعا جىبەرىلدى. ءبىرىنىڭ باسى جۇلىنىپ كەتكەن. «شىمكەنت – تاشكەنت» تاسجولىنىڭ تۋرا وسى تۇسىندا ەكى كۇن بۇرىن شاعىن اۆتوبۋس پەن جەڭىل كولىك سوقتىعىسقان بولاتىن. ول كەزدە دە 5 ادام وقيعا ورنىندا قازا تاۋىپ، تاعى ءبىر تاۋلىكتەن سوڭ 3 جاسار قىز كوز جۇمعان. اۋىر جاراقات العان تاعى 16 ادام ءالى اۋرۋحانادا جاتىر. ونىڭ 6-ۋى بالالار.