وزبەكستان پرەزيدەنتى مىندەتىن ۋاقىتشا اتقارۋشى شاۆكات ميرزيەيەۆ دجيزاك قالاسىنىڭ باسشىسىن جانە دجيزاك وبلىسىنىڭ كەيبىر اۋداندارىنىڭ باسشىلارىن جۇمىستان شىعاردى. بۇل تۋرالى رەسپۋبليكا پرەزيدەنتىنىڭ سايتىندا حابارلانىپ وتىر،- دەپ حابارلايدى Qamshy.kz Tenrginews.kz-كە سىلتەمە جاساپ.

ميرزيەيەۆ 16 قىركۇيەكتە جۇزەگە اسىرىلىپ جاتقان الەۋمەتتىك-ەكونوميكالىق رەفورمالاردىڭ بارىسىمەن تانىسۋ ماقساتىندا دجيزاك وبلىسىنا بارعان. "سول كۇنى دجيزاك قالالىق حالىق دەپۋتاتتارىنىڭ كەڭەسى ءوتتى. وندا جۇمىستاعى شالالىقتارى ءۇشىن دجيزاك قالاسىنىڭ حوكيمى اسرور كوبيلوۆ قىزمەتىنەن كەتتى. ميرزيەيەۆ ابدۋكاححار تۋحتايەۆتى اكىم ەتىپ تاعايىندادى"، - دەلىنگەن حابارلامادا.  

سونىمەن قاتار، پرەزيدەنتتىڭ باسپا ءسوز قىزمەتىندەگىلەردىڭ مالىمەتىنشە، قىزمەتتەگى قاتەلىكتەرى مەن شالالىقتارى ءۇشىن دجيزاك وبلىسىنىڭ پروكۋرورى، سونىمەن قاتار، ءبىرقاتار اۋداننىڭ حوكيمدەرى جۇمىستان شىعارىلىپتى. ولاردىڭ ورنىنا جاڭا شەنەۋنىكتەر تاعايىندالىپ تا قويىپتى. 

ەسكە سالايىق، 2 قىركۇيەكتە 78 جاسىندا وزبەكستان پرەزيدەنتى يسلام كاريموۆ قايتىس بولعان ەدى. كەيىن وزبەكستان پرەمەر-مينيسترى شاۆكات ميرزيەيەۆ وزبەكستان پرەزيدەنتىنىڭ مىندەتىن ۋاقىتقا اتقارۋشى بولىپ تاعايىندالدى.