ءقازىر جەكە كاسىبىمدى دوڭگەلەتەم، ءوز بەتىممەن تىرلىك قىلام دەگەنگە مۇمكىندىك كوپ. ەڭبەك ەتكىسى كەلگەن ازاماتتىڭ قولتىعىنان دەمەۋگە، اياعىنان تىك تۇرىپ كەتكەنشە قولداۋ كورسەتۋگە مەملەكەت قاشان دا ءازىر. اسىرەسە، «بيزنەستىڭ جول كارتاسى-2020» مەملەكەتتىك باعدارلاماسى اياسىندا جاس كاسىپكەرلەرگە بەرىلگەن جەڭىلدىك كوپ. الايدا ءتۇسىندىرۋ جۇمىستارىنىڭ كەمشىندىگى ءوز كاسىبىن اشقىسى كەلەتىن ازاماتتاردىڭ ءتۇرلى قاتەلىكتەرگە بوي الدىرۋىنا سەبەپ. «نۇر وتان» پارتياسىنىڭ قوعامدىق قابىلداۋلارى وسى ولقىلىقتىڭ ورنىن تولتىرۋعا كىرىستى. پارتيانىڭ ايماقتارداعى فيليالدارىندا بىلىكتى ماماندار جاس كاسىپكەرلەرگە اقىل-كەڭەس بەرىپ، تولاعاي تاجىريبەلەرىمەن بولىسۋدە، - دەپ جازادى Qamshy.kz Turkystan.kz - كە سىلتەمە جاساپ.

اپتا باسىندا شىمكەنتتە «نۇر وتان» پارتياسىنىڭ وڭتۇستىك قازاقستان وبلىستىق فيليالىنىڭ قوعامدىق قابىلداۋ بولمەسى كاسىپكەرلىكتى دامىتۋعا مەملەكەتتىك قولداۋ بويىنشا قوعامدىق قابىلداۋ ۇيىمداستىردى. ازاماتتاردى «نۇر وتان» پارتياسى وبلىستىق فيليالىنىڭ باسشىلىعى، وبلىستىق كاسىپكەرلىك جانە ونەركاسىپ باسقارماسى، «دامۋ» كاسىپكەرلىكتى قولداۋ قورى» اق فيليالىنىڭ جانە ەكىنشى دەڭگەيدەگى بانك وكىلدەرى قابىلدادى. ءىس-شارا مەملەكەت باسشىسىنىڭ «نۇرلى جول» جولداۋىنىڭ نەگىزگى ەرەجەلەرى مەن «100 ناقتى قادام» ۇلت جوسپارىن جۇزەگە اسىرۋ جانە ءتۇسىندىرۋ بويىنشا ۇيىمداستىرۋ جۇمىستارىن جۇرگىزۋ ماقساتىندا وتكىزىلدى.
قوعامدىق قابىلداۋ بارىسىندا ءوز بيزنەسىن اشۋ، تىركەۋ، نەسيە الۋ شارتتارى بويىنشا كوپتەگەن سۇراقتار قويىلدى. ازاماتتارعا بيزنەستى دامىتۋ جانە كاسىپكەرلىكتى قولداۋ بويىنشا مەملەكەتتىك باعدارلامالار اياسىندا تۇسىنىكتەمەلەر بەرىلدى. «دامۋ» قورىنىڭ مەنەدجەرى سابىرجان يسايەۆ مەملەكەت تاراپىنان كاسىپكەرلىكتى دامىتۋ بويىنشا كەشەندى شارالار قولعا الىنعانىن، ال وڭتۇستىك قازاقستان وبلىسىنىڭ بۇل باعىتتا الەۋەتى ۇلكەن ەكەنىن اتاپ ءوتتى.
«بۇگىنگى تاڭدا ەلىمىزدە زاڭدار، كوپتەگەن باعدارلامالار بيزنەستى قولداۋعا باعىتتالىپ وتىر. ءبىراق بۇل جونىندە كوپشىلىك بىلە بەرمەيدى. ءبىز جاس كاسىپكەرلەرگە ولار ءۇشىن قولايلى جانە ۇتىمدى جولدارىن تاڭداۋعا كومەك بەرەمىز. كاسىپكەر «بيزنەستىڭ جول كارتاسى-2020» كاسىپكەرلىكتى قولداۋ باعدارلاماسىن ىسكە اسىرۋ اياسىندا بانكتەن العان نەسيەسىنىڭ پايىزدىق مولشەرلەمەسىن سۋبسيديالاي الادى. «دامۋ» قورى نەسيە سىياقىسىن تولەۋ بويىنشا شىعىندار بولىگىن وتەيدى. ودان بولەك، ەگەر كاسىپكەردىڭ كەپىلگە قوياتىن قارجىسى جەتكىلىكسىز بولسا، قور ءوز كەپىلىن ۇسىنا الادى»، – دەدى س.يسايەۆ.
ماماندار كەڭەسىنە جۇگىنگەن شىمكەنت قالاسىنىڭ تۇرعىنى ءاليا تەمىرباي قىزى تىگىن سەحىن اشقىسى كەلەدى ەكەن. «قازىرگى تاڭدا مەن مەكتەپتە ءمۇعالىم بولىم جۇمىس ىستەيمىن. ءۇش بالام، ەكى نەمەرەم بار. مەنىڭ بيزنەس-جوسپارىم قاراپايىم، ءبىراق تابىستى. جاقىندا زەينەتكەرلىككە شىعامىن. سوندىقتان، نەسيە الىپ، ديزاينەر-مودەلەر قىزىممەن بىرلەسە تىگىن سەحىن اشۋ ويىمدا بار. بىرىنشىدەن، بالالارىما تەك قانا جاقسى جانە ساپالى كيىم تىگىپ بەرە الامىن. ەكىنشىدەن، وتباسىلىق بيزنەس ۇي-ىشىمە تابىس الىپ كەلەدى. ۇشىنشىدەن، قازاقتىڭ ۇلتتىق كيىمدەرىن تىگۋ ارمانىما قول جەتكىزەمىن»، – دەپ جوسپارلارىمەن ءبولىستى. «اتف» بانكىنىڭ مەنەدجەرى جانە «دامۋ» قورىنىڭ وكىلدەرى بولاشاق كاسىپكەر حانىمعا ايەل كاسىپكەرلىگىن ميكرونەسيەلەندىرۋ باعدارلاماسىنىڭ مەرزىمى، شارتتارى جانە ءتيىمدى مولشەرلەمەلەرى بويىنشا كەڭەس بەردى. سول كۇنى اكسيا بارىسىندا 72 ازامات ورتا جانە شاعىن بيزنەستى قولداۋ بويىنشا ماماندارعا تىكەلەي سۇراقتارىن قويىپ، قاجەتتى اقپارات پەن كەڭەستەر الدى.
سونداي-اق، وتكەن اپتادا «نۇر وتان» پارتياسىنىڭ شىعىس قازاقستان وبلىستىق فيليالىندا «بيزنەستىڭ جول كارتاسى-2020» مەملەكەتتىك باعدارلاماسى پارتيالىق جوباسىنىڭ ىسكە اسۋ بارىسىن قاداعالاۋ ماقساتىندا قوعامدىق قابىلداۋ ءوتتى. بۇل قابىلداۋدىڭ ءجونى ادەتتەگىدەن وزگەرەك بولدى. قابىلداۋعا جەكە باس وتىنىشتەرىن ايتىپ كەلگەن ازاماتتار قاراسى مەن ولارعا جاۋاپ بەرگەن وكىلەتتى ورگان قىزمەتكەرلەرى دە كوپ بولدى. جيىنعا «دامۋ» كاسىپكەرلىكتى دامىتۋ قورىنىڭ جانە ەكىنشى دەڭگەيلى بانكتەر وكىلدەرى قاتىستى.
«مىقتى بيزنەس – قۋاتتى مەملەكەت» پارتيا باعدارلاماسىنىڭ شارتتارى مەن ىسكە اسۋىن قامتاماسىز ەتۋ جولدارىن مەملەكەتتىك ورگاندار مەن دامۋ ينستيتۋتتارى، شاعىن جانە ورتا بيزنەس وكىلدەرى قىزۋ تالقىلادى. سونداي-اق، كاسىپكەرلەردى تومەن پايىزدى نەسيەمەن قامتاماسىز ەتۋ، كەپىلدىك قويۋ مەن نەسيەلەۋ مەرزىمىن ۇزارتۋ تۋرالى ايتىلدى.
«مەن «دامۋدىڭ» ارقاسىندا بيزنەسىمدى ەداۋىر دامىتىپ وتىرمىن. كاسىپكەرلەرگە مەملەكەت قولداۋ كورسەتىپ، جاعداي جاساعاندارىنا العىس ايتامىز. بۇگىن مىنە، پارتيا قابىرعاسىندا باس قوسىپ اقىل-كەڭەستەرىمىزبەن ءبولىسىپ، كاسىپكەرلىكتى ودان ءارى جانداندىرۋ جونىندە وي بولىستىك. مەملەكەت بەرگەن مۇمكىندىكتىڭ ارقاسىندا الداعى ۋاقىتتا بيزنەسىمدى ودان ءارى دامىتسام دەپ وتىرمىن. ءقازىر مەنىڭ ەكى ءدارىحانام بار. الداعى ۋاقىتتا ولاردىڭ سانىن ونعا جەتكىزسەم دەگەن تىلەكتەمىن»، – دەيدى جەكە كاسىپكەر قارلىعاش كامشاتايەۆا.
جيىن قورتىندىسى بويىنشا پارتيا تاراپىنان مەملەكەتتىك ورگاندارعا ءبىرقاتار تاپسىرمالار بەرىلدى. ناقتى ايتقاندا، نەسيە الۋعا ارىز بەرگەن ازاماتتاردىڭ بيزنەس-جوسپارىن قاتاڭ قاداعالاۋ جۇكتەلدى. ويتكەنى ءتيىمسىز بيزنەسكە نەسيە العان ازاماتتاردىڭ الداعى ۋاقىتتا قاراجاتتى مەملەكەتكە قايتارۋى قيىندىق تۋدىرۋى مۇمكىن.
«نۇر وتان» پارتياسى وڭتۇستىك قازاقستان وبلىسى كەنتاۋ قالالىق فيليالىنىڭ ۇيىمداستىرۋىمەن وتكىزىلگەن قالالىق قوعامدىق كەڭەس مۇشەلەرىمەن كەزدەسۋدىڭ دە باستى ماقساتى – «بيزنەستىڭ جول كارتاسى-2020» باعدارلاماسى اياسىندا جاس كاسىپكەرلەرگە قولداۋ كورسەتۋ.
كەنتاۋ – وڭتۇستىك قازاقستان وبلىسىنداعى 88 مىڭ حالقى بار مونوقالا. قالادا 3200 شاعىن كاسىپكەرلىك، 300 شارۋا قوجالىعى، 150 ورتا بيزنەس سۋبەكتىلەرى جۇمىس ىستەيدى. مەملەكەتتىك باعدارلاما اياسىندا 2016 جىلى 10 ادامعا 25 ملن تەڭگە كولەمىندە شاعىن جانە ورتا كاسىپكەرلىكتى دامىتۋعا نەسيە بەرىلگەن. قازىرگى تاڭدا كاسىپكەرلىك پالاتاسى تاراپىنان تاعى دا 8 ادامنىڭ قۇجاتتارى قارالىپ جاتىر.
وسى ماسەلەلەر توڭىرەگىندە ۇيىمداستىرىلعان كەزدەسۋ بارىسىندا مەملەكەتتىك باعدارلامانى ىسكە اسىرۋدى قامتاماسىز ەتەتىن ورگاندار جانە كاسىپكەرلەر مەكتەبى وكىلدەرى «بيزنەستىڭ جول كارتاسى-2020» باعدارلاماسىنىڭ شارتتارى مەن ىسكە اسىرۋ تەتىكتەرى تۋرالى اقپارات بەردى.
قالالىق كاسىپكەرلەر پالاتاسىنىڭ ديرەكتورى م.سادۋوۆ بيزنەس-باستامالاردى ىسكە اسىرۋ جانە جاس كاسىپكەرلەردى قولداۋ بويىنشا اتقارىلعان جۇمىستار، كەزدەسەتىن پروبلەمالار جايلى ايتىپ ءوتتى. ءوز كەزەگىندە قالالىق قوعامدىق كەڭەس ءتوراعاسى ي.جۇمابيەۆ جاس كاسىپكەرلەرگە بەرىلىپ وتىرعان مۇمكىندىكتەرگە توقتالىپ: «باعدارلاما ماقساتىنا سايكەس قالاداعى كاسىپكەرلىكتىڭ تۇراقتى جانە تەڭگەرىمدى ءوسۋىن قامتاماسىز ەتۋ كەرەك. سونىمەن قاتار، بار جۇمىس ورىندارىن ساقتاۋ جانە تۇراقتى جۇمىس ىستەيتىن جاڭا جۇمىس ورىندارىن اشۋ كەرەك»، – دەدى.
كەلەلى كەزدەسۋگە قاتىسقان جاس كاسىپكەرلەر كوكەيدەگى سۇراقتارىنا تۇشىمدى جاۋاپتار الىپ، ءوز كاسىپتەرىن اتالعان باعدارلاما اياسىندا قايتا جانداندىرۋعا بولاتىندىعىنا كوز جەتكىزدى.