ودەسسا وبلىسىنىڭ گۋبەرناتورى، بۇرىنعى گرۋزيا پرەزيدەنتى ميحايل سااكاشۆيليدىڭ ويىنشا، تۋعان ەلىندە وعان قارسى قىلمىستىق ءىستىڭ قوزعالۋى گرۋزيا بيلىگىنىڭ ودان قورقاتىنىن بىلدىرەدى. بۇل تۋرالى ول NewsOne تەلەكانالىنا بەرگەن سۇحباتىندا ايتتى.
«ءتورت جىلدان بەرىڭ گرۋزيادا ماعان قارسى ىستەر قوزعالدى. ولار پرەزيدەنت قورىنىڭ بارلىق شىعىستارىن شىعىن رەتىندە ەسەپتەگەن. ونىڭ ىشىندە شەت ەل ليدەرلەرىنە قىزمەت كورسەتۋ، بانكەتتەر جانە مەنىڭ رەسمي شارالار ءۇشىن الىنعان ءتورت كوستيۋمىم مەن ءبىر پالتو» دەدى ول. سااكاشۆيليدىڭ پىكىرىنشە، قىلمىستىق ىستەر ول ەلىنە قايتىپ ورالىپ، ساياساتقا ارالاسپاس ءۇشىن ۇيىمداستىرىلعان.
ەستەرىڭىزگە سالايىق، ميحايل سااكاشۆيلي گرۋزيانى 2004-2007 جانە 2008-2013 جىلدارى ارالىعىندا باسقارعان.
