جانتۇرشىگەرلىك اپار الماتىنىڭ رىسقۇلوۆ داڭعىلىندا بولعان، - دەپ حابارلايدى Qamshy.kz Zakon.kz –كە سىلتەمە جاساپ.

باتىس باعىتتا قاتتى جىلدامدىقپەن كەلە جاتقان بمۆ ماركالى كولىك ءتورت بىردەي جۇرگىنشىنى قاعىپ كەتكەن. ولاردىڭ بارلىعى وقيعا ورنىندا كوز جۇمعان.

كۋاگەرلەر بەس ادامنىڭ رىسقۇلوۆ داڭعىلىنىڭ وڭتۇستىك باعىتىنا جۇگىرىپ وتپەك بولعانىن، بىرەۋى جولدى كەسىپ وتكەنىن، قالعان تورتەۋى ۇلگەرمەي، كولىك استىندا قالعانىن ايتقان. قازا بولعانداردىڭ ۇشەۋى قىز بالا، بىرەۋى – جىگىت. اۋىر سوققىدان ولاردىڭ دەنەسى ون مەتردەن استام قاشىقتىققا ۇشىپ كەتكەن.

كولىكتە بولعان جولاۋشى جۇرگىزۋشىنىڭ دىبىس بەلگىسىن بەرىپ، توقتاۋعا ارەكەت ەتكەنىن ايتقان. تەجەگىش جولىنىڭ ۇزىندىعى 70-80 مەتردى قۇراعان.

كولىك جۇرگىزۋشىسىن پوليسيا وقيعا ورنىندا تۇتقىنداعان.

اپاتتان سوڭ رىسقۇلوۆ داڭعىلىنىڭ بويىندا ەكى باعىتتا دا كولىك كەپتەلىسى پايدا بولعان.