لاۋازىمدى مەملەكەتتىك قىزمەتكەرگە دەلدال ارقىلى پارا بەردى دەپ ايىپتالعان وڭتۇستىك قازاقستان پوليتەحنيكالىق كوللەدجىنىڭ ديرەكتورى، وبلىستىق ءماسليحاتتىڭ دەپۋتاتى امانگەلدى سوپبەكوۆ وسى اپتادا وبلىستىق ءماسليحاتتىڭ كەزەكتەن تىس سەسسياسىنا قاتىستى. بۇل تۋرالى Qamshy.kz Nur.kz  سىلتەمە جاساپ حابارلايدى.

دەپۋتات سەسسيا الدىندا وتەتىن ءماسليحاتتاعى تۇراقتى كوميسسيانىڭ وتىرىسىندا دا بولعان (ا.سوپبەكوۆ ءماسليحاتتاعى الەۋمەتتىك دامۋ جونىندەگى تۇراقتى كوميسسيانىڭ مۇشەسى).

ەستەرىڭىزگە سالا كەتەيىك، سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وڭتۇستىك قازاقستان وبلىستىق دەپارتامەنتى شىلدە ايىندا وبلىستىق ءماسليحاتتىڭ دەپۋتاتى، وڭتۇستىك قازاقستان پوليتەحنيكالىق كوللەدجىنىڭ ديرەكتورى امانگەلدى سوپبەكوۆتى سىبايلاس جەمقورلىق قىلمىس جاسادى دەگەن كۇدىكپەن ۇستاعانىن حابارلاعان بولاتىن.

اتالعان ورگاننىڭ رەسمي اقپاراتىندا ونىڭ قاراماعىنداعى قىزمەتكەرى ارقىلى وبلىستىق ءبىلىم باسقارماسىنىڭ لاۋازىمدى قىزمەتكەرىنە قوسىمشا مەملەكەتتىك گرانت ءبولۋ ءۇشىن 3 ميلليون تەڭگە كولەمىندە پارا بەرگەنى ايتىلدى. ونىڭ ۇستىنەن قىلمىستىق ءىس قوزعالىپ، تەرگەۋ امالدارى باستالدى. سوپبەكوۆتىڭ كەيىنىرەك ءۇيقاماققا الىنعانى تۋرالى رەسمي ەمەس اقپارات تارالدى.

ەندى مىنە، اراعا ەكى اي سالىپ، امانگەلدى سوپبەكوۆ ءماسليحاتتاعى دەپۋتاتتىق مىندەتىن اتقارۋعا قايتا كىرىستى. ۇزىنقۇلاقتان جەتكەن اڭگىمەلەرگە قاراعاندا قازىرگى ۋاقىتتا دەپۋتاتتىڭ ۇستىنەن قوزعالعان قىلمىستىق ءىس سوتقا وتكەن كورىنەدى.

امانگەلدى سوپبەكوۆ ءماسليحاتتىڭ كەم دەگەندە ءۇش شاقىرىلىمنىڭ دەپۋتاتى. «اقجول» پارتياسىنىڭ وكىلى. سوڭعى سايلاۋدا ول شاردارا اۋدانىنان ءتۇسىپ، جەڭىسكە جەتتى. دەگەنمەن دودا مارەسىنە جاقىنداپ قالعان كەزدە جايسىزداۋ جاعدايدى باستان كەشكەنى راس.

بيلىكتىڭ پارتياسىنان تۇسكەن كانديداتتارعا قيىنداۋ قارسىلاس بولاتىنداردى جارىس جولىنان جاپپاي شىعارىپ تاستاۋ ناۋقانىنىڭ قۇربانى بولاتىن بىلگەن ول سايلاۋ كوميسسياسىنىڭ وتىرىسى ءوتىپ جاتقان عيماراتقا بەلگىسىز سۇيىقتىقتى الىپ كىرىپ، ءوز-وزىن ورتەمەك بولعان كورىنەدى. ءاتى-جونى ناقتى اتالماسا دا وسىنداي فاكتىنىڭ ورىن العانى باس پروكۋراتۋرانىڭ مالىمەتىندە كەلتىرىلدى.

سايلاۋدان كەيىن دەپۋتاتتىڭ ۇستىنەن قىلمىستىق ءىس قوزعالىپ، تەرگەۋ امالدارىن جۇرگىزۋ ۇلتتىق قاۋىپسىزدىك كوميتەتىنە تاپسىرىلعانى بەلگىلى بولدى. ءبىر ايدان كەيىن ونىڭ قىسقارتىلعانى جەرگىلىكتى تەلەارنالاردان ايتىلعان ەدى. بۇل جولعى قىلمىستىق ءىستىڭ نەمەن اياقتالاتىنى بەلگىسىز.