قازاقستاندا ۇلتتىق ستيكەر-ەمودزيلەر پايدا بولدى، - دەپ حابارلايدى Qamshy.kz Tengrinews.kz –كە سىلتەمە جاساپ، iOS 10 وپەراسيالىق جۇيەسى جاڭارعاننان كەيىن قازاقستان تۇرعىندارى ۇلتتىق ستيكەر-ەمودزيلەردى قولدانا الاتىن بولدى. تەگىن ستيكەرلەر پاكەتى AppStore-دىڭ iMessages (نەمەسە "حابارلامالار") تاراۋشاسىندا "قازاق ەمودجيلەرى" دەگەن اتاۋمەن پايدا بولدى.

ۇلتتىق ەمودزيلەر نيمودجي® جوباسىن جاساۋمەن 6 ەلدىڭ كوپۇلتتى كومانداسى اينالىسقان. "ستيكەرلەرگە اينالعان كەيىپكەر قازاقستاننىڭ مادەني داستۇرلەرىنىڭ نەگىزىندە جاسالدى. ونىڭ ەسىمى - ايبالا. ول كوڭىلدى، بەلسەندى ءارى وپتيميست. ونىڭ بويىنان ادامعا ءتان بارلىق ەموسيانى تاباسىز، سوندىقتان كوڭىل-كۇيدى بۇل كەيىپكەر ارقىلى ءدوپ باسىپ كورسەتۋگە بولادى"، - دەدى Nimoji Software Limited كومپانياسىنىڭ وكىلدەرى. 

تەگىن جيىنتىقتا 21 ستيكەر بار جانە ونى AppStore ارقىلى جۇكتەپ الۋعا بولادى. ال تاياۋدا ونىڭ اقىلى تۇرلەرى شىعادى ەكەن. قۇراستىرۋشىلار الداعى ۋاقىتتا ستيكەردى iOS جانە Android پلاتفورمالارىنداعى بارلىق مەسسەندجەرلەردە قولدانۋعا مۇمكىندىك جاسايتىن قوسىمشا اشقىسى كەلەدى. 

Nimoji Software Limited وكىلدەرىنىڭ ايتۋىنشا، جولدانعان ستيكەرلەردى كورۋ ءۇشىن اڭگىمەلەسۋشىگە قوسىمشانى ورناتۋ مىندەتتى ەمەس. كومپانياداعىلار ايەل قولدانۋشىلاردى دا نازارسىز قالدىرمايدى ەكەن - تاياۋدا ايبالانىڭ اقساۋلە ەسىمدى دوسى پايدا بولادى. 

پاكەتتى مىنا سىلتەمە ارقىلى كوشىرىپ الۋعا بولادى.