الماتىدا ءتورت ادامدى قاعىپ كەتكەن جۇرگىزۋشىگە قاتىستى سوتالدى تەرگەۋ باستالدى، - دەپ حابارلايدى Qamshy.kz Tengrinews.kz –كە سىلتەمە جاساپ.  

پوليسياداعىلاردىڭ مالىمەتىنشە، جول-كولىك وقيعاسى وتكەن تۇندە ساعات 23.15-تە رىسقۇلوۆ داڭعىلىنىڭ بويىندا بولعان. "پوليسەيلەر BMW كولىگىنىڭ باتىسقا قاراي ءجۇرىپ بارا جاتقانىن، ال جاياۋ جۇرگىنشىلەردىڭ جولدى وڭتۇستىككە قاراي كەسىپ وتپەكشى بولعانىن انىقتادى. وقيعانىڭ سالدارىنان ەكى ايەل مەن ەكى ەر ادام زارداپ شەكتى. ولار العان جاراقاتىنان وقيعا ورنىندا قازا تاپتى"، - دەپ حابارلادى ءىىد وكىلدەرى.  

پوليسياداعىلاردىڭ مالىمەتىنشە، جاياۋ جۇرگىنشىلەردىڭ ءبىرى سوققىدان داڭعىلدىڭ قارسى باعىتىنداعى جولاققا ۇشىپ كەتىپ، Lexus كولىگىنىڭ استىنا تۇسكەنىن حابارلادى. بۇل كولىكتىڭ جۇرگىزۋشىسى وقيعا ورنىنان ءىز جاسىرىپتى. الايدا پوليسەيلەر ونى انىقتاپ، ۇستادى. 

"بۇل دەرەك ق ر قىلمىستىق كودەكسىنىڭ 345-بابىنىڭ 4-بولىگى بويىنشا سوتقا دەيىنگى ءبىرىڭعاي تەرگەۋلەر رەەسترىندە تىركەلدى. ق ر قپك-نىڭ 128-بابى بويىنشا BMW جۇرگىزۋشىسى ۋاقىتشا ۇستاۋ يزولياتورىنا قامالدى. Lexus كولىگىنىڭ جۇرگىزۋشىسىنىڭ كىناسىنىڭ بار-جوعى سوتالدى ءوندىرىستىڭ بارىسىندا جۇرگىزىلەتىن كەشەندى ساراپتامالاردىڭ ناتيجەسىندە انىقاتالادى"، - دەدى الماتى قالالىق ءىىد انىقتاۋ ءبولىمىنىڭ باسشىسىنىڭ ورىنباسارى ولجاس شاريپوۆ.