بۇعان دەيىن جاپونيانىڭ رەسەيدەن وڭتۇستىك كۋريل ارالدارىنىڭ تەك ەكەۋىن عانا العىسى كەلەتىندىگى تۋرالى اقپاراتتار تاراعان ەدى. جۋىردا جاپونيانىڭ سىرتقى ىستەر مينيسترلىگى كەلىسسوزدەردى بۇرىنعى قارقىنمەن جۇرگىزەتىنىن مالىمدەدى.
ەلدىڭ سىرتقى ىستەر مينيسترلىگى بەيبىت كەلىسىمشارتقا قول جەتكىزۋ ءۇشىن كەلىسسوزدەر جالعاستىراتىنىن ايتتى. بۇعان دەيىن كەيبىر اقپارات قۇرالدارى توكيونىڭ ماسكەۋدەن شيكوتان، حابوماي ارالدارىن عانا سۇراعانى تۋرالى اقپارتتار جاريالانعان ەدى. كەيبىر اقپارات كوزدەرىندە جاپونيانىڭ كۋناشير مەن يتۋرۋپتان باس تارتپاسا دا، ەركىن بارۋعا مۇددەلى ەكەندىگى ال بەيبىت كەلىسسوزدەردەن كەيىن ول ارالداردى دا الاتىنى ايتىلعان بولاتىن.
داۋلى ارالدار ماسەلەسىن پەرۋدەگى ساميتتە قاراشا ايىندا تالقىلاۋ جوسپارلانۋدا. سونداي-اق بۇل ماسەلە رەسەي پرەزيدەنتى ۆلاديميرا ءپۋتيننىڭ جاپونياعا جەلتوقسان ايىنداعى ساپارى كەزىندە ءسوز بولادى دەپ كۇتىلۋدە.
