رەسپۋبليكامىز بويىنشا قارىشتاپ دامىپ كەلە جاتقان ايماقتاردىڭ ءبىرى – اتىراۋ وبلىسى. ەل تاۋەلسىزدىگىنىڭ 25 جىلدىعىن مۇنايلى ولكە ۇلكەن جەتىستىكتەرمەن قارسى الماق. ءوڭىر ەكونوميكاسىنىڭ نەگىزگى تىرەگى مۇناي-گاز سەكتورى ەكەنى داۋسىز. سونىمەن قاتار وبلىستا ءتۇرلى سالانى قامتيتىن ءىرى كاسىپورىندار بوي كوتەرىپ، شاعىن جانە ورتا بيزنەس پەن اۋىلشارۋاشىلىعى سالاسى قاتار دامىدى. وسىنىڭ ارقاسىندا سوڭعى جىلدارى ءوڭىر ەكونوميكاسىنىڭ دامۋ باعىتى ايقىندالىپ كەلەدى، دەپ حابارلايدى BNews.kz تiلشiءسى.
2015 جىلى اتىراۋ وبلىسىندا وندىرىلگەن جالپى ايماقتىق ءونىم 4 تريلليون تەڭگەدەن اسىپ ءتۇستى. ال 25 جىل بۇرىن بۇل كورسەتكىش 900 ەسەگە از، ياعني 4،5 ميلليارد تەڭگەنى عانا قۇرايتىن. مۇناي-گاز سەكتورىندا عانا عانا ەمەس، جەڭىل جانە اۋىر ونەركاسىپ، اۋىلشارۋاشىلىعى سالالارىندا رەسپۋبليكا بويىنشا بالاماسى جوق جوبالار جۇزەگە اسىرىلدى. وسىنىڭ ارقاسىندا ايماققا سىرتتان تاسىمالداناتىن تاۋارلار ىعىستىرىلىپ، ىشكى نارىق جەرگىلىكتى ونىمدەرمەن قامتاماسىز ەتىلدى.
«بۇعان پرەزيدەنتتىڭ تاپسىرماسىن ورىنداۋ باعىتىنداعى «بيزنەستىڭ جول كارتاسى-2020»، «جۇمىسپەن قامتۋ-2020» باعدارلاماسى ۇلكەن سەپتىگىن تيگىزىپ وتىر. «نۇرلى جول» باعدارلاماسى اياسىندا ورتا جانە شاعىن بيزنەستى، ينفراقۇرىلىمدى دامىتۋعا ءبولىنىپ جاتقان قاراجاتتاردىڭ ارقاسىندا اتىراۋ وبلىسى كوكونىس، كارتوپ، ءسابىز پياز جانە باسقا تۇرلەرىمەن ءوزىن-وزى قامتاماسىز ەتىپ وتىر»،- دەيدى وبلىس اكىمى نۇرلان نوعايەۆ.
تاۋەلسىزدىكتىڭ العاشقى جىلدارى وزگە وبلىستار سەكىلدى مۇنايلى ءوڭىر دە قيىن كەزەڭدى باستان كەشىرگەنى بەلگىلى. ال 25 جىلدان سوڭ ايماق تانىماستاي وزگەردى. حالىق قازبالى بايلىقتىڭ يگىلىگىن كورىپ وتىر. الەمدىك دەڭگەيدەگى الپاۋىت كومپانيالار ءبىرقالىپتى دامۋ ءۇردىسى بار قازاق ەلىنە ەش كۇمانسىز ينۆەستيسيا سالىپ، شەتەلمەن بىرىككەن كاسىپورىندار جەمىستى جۇمىس ىستەۋدە.
وبلىستىق ءماسليحاتتىڭ دەپۋتاتى الەكساندر دۋملەر: «پرەزيدەنت: «الدىمەن ەكونوميكا، سودان كەيىن ساياسات دەگەن بولاتىن». الدىمەن ەكونوميكالىق جاعدايدى تۇراقتاپ الۋدىڭ راستىعىنا بۇگىندە انىق كوز جەتكىزدىك. تاۋەلسىزدىك دەگەندى ەڭ الدىمەن ءاربىر تۇرعىننىڭ جاقسى ءومىر ءسۇرۋى، مەملەكەت قامقورلىعىن سەزىنۋى دەپ بىلەمىن» دەيدى.
بۇگىندە اتىراۋ وبلىسى وزگە ايماقتارمەن سالىستىرعاندا كوپتەگەن سالا بويىنشا كوشباسشى سانالادى. سوڭعى جىلدارى جۇزەگە اسىرىلعان تىڭ جوبالار وڭىردەگى شاعىن جانە ورتا بيزنەستىڭ سەرپىندى دامۋىنا ايتارلىقتاي ۇلەس قوستى. اتاپ ايتقاندا ازىق-تۇلىك، اۋىلشارۋاشىلىعى، ماشينا جاساۋ، مۇناي-گاز وندىرىسىنە سەرۆيستىك قىزمەت كورسەتۋ سالاسىنداعى سەرپىندى جوبالار ايماق ەكونوميكاسىنىڭ ورلەۋىنە ۇيىتقى بولىپ وتىر.
«بۇگىنگى كۇنى كاسىپكەرلەرگە مەملەكەتتىك قولداۋ جاسالىپ وتىر. بيزنەس وكىلدەرى الىپ ساتارلىقپەن اينالىسىپ قانا قويماي، ءونىم ءوندىرۋدى جانە ءونىمدى ەكسپورتاۋدى قولعا الدى. بۇل 25 جىلدا قازاقستاننىڭ قول جەتكىزگەن تابىسى. بۇگىندە اتىراۋ وبلىسىندا 50 مىڭنان اسا كاسىپكەرلىك سۋبەكتىسى بار، ول كاسىپكەرلەر 120 مىڭ ادامدى جۇمىسپەن قامتىپ وتىر»،- دەيدى وبلىستىق كاسىپكەرلەر جانە جۇمىس بەرۋشىلەر وداعىنىڭ ءتورايىمى اليا بەكقوجييەۆا.
وبلىس اۋماعىندا يندۋستريالدىق كارتا جانە كاسىپكەرلىكتى قولداۋ باعدارلامالارى بويىنشا 2 تريلليون تەڭگەنىڭ 52 ينۆەستيسيالىق جوباسى جۇزەگە اسىرىلىپ جاتىر. وسى جوبالار نەگىزىندە 5،5 جاڭا جۇمىس ورنى اشىلماق. سونىمەن قاتار 37 ميلليارد دوللار قارجى سالىنعان تەڭىز كەنىشىن يگەرۋدىڭ بولاشاق دامۋ جوباسى جىلىنا 12 ميلليون توننا شيكىزات وندىرۋگە مۇمكىندىك بەرەدى. جاڭا جوبا قۇرىلىسى اياسىندا قوسىمشا 20 مىڭ جۇمىس ورنى اشىلاتىن بولادى.
