ەل تاۋەلسىزدىگىنىڭ 25 جىلدىعى اياسىندا اقمولا وبلىستىق تاريحي-ولكەتانۋ مۇراجايىندا ءۇش جاڭا جوبا باستاۋ الدى، دەپ حابارلايدى BNews.kz تiلشiءسى.

مۇراجاي ۇجىمى وتكەن عاسىرلارداعى قازاقتىڭ تاريحىن كورمە ارقىلى كوپشىلىككە كورسەتۋدى ۇيعارىپتى. وسىعان وراي مادەني وشاقتا سالتاناتتى شارا ءوتتى.
كورمەلىك جوبا ءۇش تاقىرىپتى قامتيدى. العاشقىسى – ءاليحان بوكەيحانوۆتىڭ ءومىرى مەن ەڭبەك جولىنا ارنالعان. الاش قوزعالىسىنا 100 جىل تولۋىنا وراي مۇراجايداعىلار قازاق ارىسىنىڭ بەينەسىن سومدادى.
«مۇنداي اۋقىمدى شارا العاش رەت ۇيىمداستىرىلىپ وتىر. جاس ۇرپاق الاش ارىستارىنىڭ تاۋەلسىز ەل بولۋ جولىنداعى سىڭىرگەن ەڭبەكتەرىن ءبىلىپ ءوسۋى ءتيىس»،– دەيدى وبلىستىق تاريحي-ولكەتانۋ مۇراجايىنىڭ ديرەكتورى كەنجەباي مۇقىشيەۆ.
ەكىنشى جوبادا– ۇلتتىق كيىمدەرىمىز اسپەتتەلسە، بۇدان سوڭ جيىلعان كوپ ءتول تەڭگەمىزدىڭ تاريحىمەن تانىستى. سونداي-اق، ءۇشىنشى بولىمدە ەرتەدەگى قازاقى جارمەڭكە كورىنىس تاپقان. ماسەلەن، 1890-شى جىلدىڭ 14ء-شى قىركۇيەگىندە قالادا «كوكشەتاۋ جارمەڭكەسى» اشىلعان-دى. مۇراجاي ۇجىمى بۇل كورىنىستى دە سوعان نەگىزدەگەن.
«كەزىندە اقمولادا قوياندى جارمەڭكەسى وتكىزىلگەندىگىن تاريحتان بىلەمىز. الاڭدا مۇنداي شارانىڭ ۇيىمداستىرىلۋى قالا قازاقتارىنا ەرەكشە كوڭىل كۇي سىيلادى. جارمەڭكە وزىندىك ەرەكشەلىگىمىنەن ايشىقتالدى، كورمەلەردەن كوپ نارسەنى ويعا تۇيۋگە بولادى. ءداستۇرلى ءانشى رەتىندە جارمەڭكەدە كوكشەنىڭ سال-سەرىلەرىنىڭ اندەرىن تارتۋ ەتتىك»،–دەيدى ءداستۇرلى ءانشى سارسەنباي حاسەنوۆ.
وبلىستىق مادەنيەت باسقارماسىنىڭ مالىمەتى بويىنشا، ەل تاۋەلسىزدىگىنىڭ 25 جىلدىعىنا ارنالعان مادەني  شارالار 15 قىركۇيەك پەن 15 جەلتوقسان ارالىعىندا وربىمەك. تاريحي-ولكەتانۋ مۇراجايى قولعا العان بۇل جوبا ءۇش ايلىق باعدارلامانىڭ باستاۋى بولىپ تابىلادى.