«قازاقستان تەمىر جولى» ۇق» باسقارما ءتوراعاسى
قانات قالي ۇلى الپىسبايەۆ مىرزاعا
ماڭعىستاۋ وبلىسى، ماڭعىستاۋ كەنتىندەگى «ماڭعىستاۋ» تەمىر جول ستانسياسىنىڭ پوەزد توقتايتىن الاڭىندا تۇرمىن. الدىما كەلىپ «استانا – ماڭعىستاۋ» جولاۋشى پوەزى كەلىپ توقتادى. جولاۋشى ۆاگونىنىڭ قاق ورتاسىندا «م ا ڭ ع ى س ت ا ۋ» دەگەن ۇلكەن ارىپتەرمەن جازىلعان ادەمى جازۋ ۆاگونعا ءسان بەرۋمەن قاتار وسى پوزد اتاۋىن ايقىنداپ-اق تۇر. ءىشىم جىلىپ سالا بەردى.
الايدا، ۆاگوندار قارسى الدىما كەلىپ توقتاعاندا، كوتەرىڭكى كوڭىلىم سۋ سەپكەندەي باسىلدى. سەبەبى، سول ۆاگونداردىڭ سىرتىندا «ماڭعىستاۋ» دەگەن اتاۋدان بولەك «مانگىشلاك - استانا» جانە تاعى ءبىر جەرىندە «مانكيشلاك» دەپ وزگە ەلدىڭ تىلىندە جازىلعان ءار ءتۇرلى جازبالار بولدى.
وبلىسىمىزدىڭ اتاۋى ماڭعىستاۋ، سول پوەزدار كەلىپ توقتايتىن ەلدى مەكەننىڭ اتاۋى ماڭعىستاۋ، پوەزدىڭ اتاۋى ماڭعىستاۋ. سوندا مىنا وزگە ەلدىڭ تىلىندەگى «كيشلاك» ءسوزى بۇل پوەزدا «نە ءبىتىرىپ تۇر؟» دەگەن سۇراق ءوز-تۋىنداپ تۇرعان جوق پا؟
ءتيىستى شاراسىن الۋىڭىزدى وتىنەمىن!
مۇحامبەتكارىم قوجىرباي ۇلى
ماڭعىستاۋ
