يسپانيانىڭ رەدوندەلا قالاسىندا الاڭعاسار ادام اۆتونوميالىق قاۋىمداستىقتىڭ پارلامەنتتىك سايلاۋىندا داۋىس بەرۋ كەزىندە جاشىككە بيۋللەتەن ورنىنا تانىستارىنىڭ تويىنا سىيلاۋعا الىپ شىققان 200 ەۋرو سالىنعان كونۆەرتىن سالىپ كەتكەن. بۇل وقيعا جەكسەنبىدە بولدى،- دەپ حابارلايدى Qamshy.kz قازاقپاراتقا سىلتەمە جاساپ.
وسىدان كەيىن ەر ادام 100 شاقىرىمدا ورنالاسقان قالاشىقتاعى تانىستارىنىڭ بالاسىن شوقىندىرۋ راسىمىنە كەلىپ داۋىس بەرۋ بيۋللەنتەنى بار كونۆەرتتى «سىيلاعان».
الايدا ىشىندە اقشاسى جوق ەكەنىن بىلگەن سوڭ ول داۋىس بەرگەن قالاسىنا قايتا ورالىپ بولعان وقيعا تۋرالى پوليسياعا شاعىم جازعان.
شاعىمعا قاراماستان سايلاۋ كوميسسياسىنىڭ ءتوراعاسى داۋىس بەرۋ اياقتالعانشا جاشىكتى اشپايتىنىن ءمالىم ەتكەن. ەر ادام كەشكە شەيىن سايلاۋ اياقتالۋىن كۇتىپ وتىردى. كەيىن ءتوراعانىڭ رۇقساتىمەن باقىلاۋشىلار جانە پوليسيا قاداعالۋى بويىنشا جاشىكتەن اقشا سالىنعان كونۆەرت الىنىپ، يەسىنە قايتارىلىپ ونىڭ ورنىنا بيۋللەتەن قايتا سالىندى.
