اۆستراليانىڭ شىعىسىنداعى كۆينسلەند شتاتىنىڭ تۇرعىندارى ەرەكشە تابيعي قۇبىلىستىڭ تاماشالادى، دۇيسەنبى تۇنگە قاراي اسپان كەنەتتەن جاپ-جارىق بولىپ كەتتى دە سودان سوڭ جارىلىس بولدى،-دەپ حابارلايدى Qamshy.kz  قازاقپاراتقا سىلتەمە جاساپ.

كۆينسلەند پوليسياسىنىڭ مالىمدەۋىنشە، گلەدستوۋن، گرەيسمير جانە باسقا دا شاعىن قالالاردىڭ تۇرعىندارى اسپان جارىق ساۋلەگە بويالىپ، ۇيلەرى دىرىلدەگەنىن كەيىننەن الىستا جارىلىس دىبىسى ەستىلگەنىن حابارلاعان. كەيبىر ادامدار اسپاندا وتتى شار كورگەنىن ايتقان. 
Gladstone Observer گازەتىنە سۇحبات بەرگەن استروفيزيك دجوناتان ماكداۋەلل بۇل قۇبىلىسقا مەتەور سەبەپشى بولدى دەگەن تۇجىرىم جاساپ وتىر. «بۇل ۇلكەن مەتەور بولۋى ىقتيمال. شامامەن ۇلكەندىگى 1 مەتر بولۋى مۇمكىن، ياعني ونىڭ بولشەكتەرى جەر بەتىنە شەيىن جەتىپ وتىر»، - دەدى عالىم. الايدا بۇل ازىرگە راستالماعان بولجام عانا.
پوليسيانىڭ ناقتىلاۋىنشا، وسى وقيعا بويىنشا زارداپ شەگۋشىلەر جانە قيراۋعا قاتىستى اقپارات كەلىپ تۇسپەگەن.