ينتەرنەت جەلىسىندە قازاقستانداعى قوعامدىق-ساياسي احۋالعا قاتىستى پىكىر-سايىس ۇيىمداستىرعان ساياساتكەر ايدوس سادىقوۆ پەن ەكونوميست مۇحتار تايجاننىڭ اڭگىمەسى ەلدەگى ساياسي جۇيەنى دەموكراتيالاندىرۋ جولدارىنا كەلگەندە قاققا جارىلدى، - دەپ حابارلايدى Qamshy.kz.
«بيلىكتى حالىقتىڭ تالابىنا قۇلاق اسۋعا ەۆاليۋسيالىق جولدارمەن دە ماجبۇرلەۋگە بولادى» دەگەن م. تايجانعا ا. سادىقوۆ «تىعىرىقتان شىعۋدىڭ جالعىز جولى - ريەۆوليۋسيا» دەپ جاۋاپ قاتتى. مىسال رەتىندە گرۋزيا مەن ۋكرايناداعى تولقۋلاردى العا تارتتى.
«سول ريەۆوليۋسيادان كەيىن گرۋزيا تەرريتورياسىنىڭ 20 پايىزى جوق، ۋكراينانىڭ قىرىمى مەن دونباسى جوق قوي. بىزدە دە سولاي بولعانىن قالايسىڭ با؟» دەگەن ساۋالعا ا. سادىقوۆ «قازاقستان حالقىن دۇرىس ومىرگە كەلتىرۋ ءۇشىن كەيبىر «جەرتۆاعا» بارۋ كەرەك. ونداي بولادى. ۋكراينا دۇرىس جولمەن كەلە جاتىر»، - دەپ جاۋاپ بەردى.
ءقازىر كييەۆتە تۇرىپ جاتقان وپپوزيسيالىق ساياساتكەر بۇل جەردە قازاقستاننىڭ قاي ءوڭىرىن «جەرتۆا» ەتۋگە بولاتىنىن اشىپ ايتپاپتى.
