اۋىل شارۋاشىلىعى كووپەراتيۆتەرىنىڭ مىندەتتى تۇردە جەر تەلىمىنىڭ بولۋى شارتىن الىپ تاستاۋ كەرەك. بۇل تۋرالى بۇگىن وتكەن ۇكىمەتتىڭ سەلەكتورلىق وتىرىسىندا ۇلتتىق ەكونوميكا ءمينيسترى قۋاندىق بيشىمبايەۆ مالىمدەدى، - دەپ حابارلايدى Qamshy.kz.

ايتا كەتەيىك، ۇكىمەت مۇشەلەرىنىڭ قاراۋىنا سالىق ساياساتىن جانە سالىقتىق-كەدەندىك اكىمشىلەندىرۋدى جەتىلدىرۋ جونىندەگى زاڭ جوباسى ۇسىنىلدى.

«ارنايى سالىق ءتارتىبىن قولدانۋ ماقساتىندا اۋىل شارۋاشىلىعى كووپەراتيۆتەرىنىڭ جەر تەلىمى بولۋى شارتىن الىپ تاستاۋ ۇسىنىلادى. بۇدان باسقا، وتاندىق اۋىل شارۋاشىلىعى ونىمدەرىن وندىرۋشىلەردى قولداۋ ءۇشىن ءبىرىڭعاي جەر سالىعىن قولدانۋ قۇقىعىن ساقتاۋ كوزدەلگەن»، - دەپ اتاپ ءوتتى مينيستر.

ول سونىمەن قاتار اتالعان زاڭ جوباسىندا اسىل تۇقىمدى مالداردى ءماجبۇرلى سويۋ جانە ولاردىڭ ءولىم-جىتىمى جاعدايىندا بەلگىلەنگەن نورماتيۆتەر شەگىندە ققس بويىنشا جەڭىلدىكتەردى قولدانۋ كوزدەلگەنىن جەتكىزدى.

جالپى، ۇسىنىلىپ وتىرعان وزگەرىستەر قولايلى كاسىپكەرلىك ورتا قۇرۋ، الەۋمەتتىك-ەكونوميكالىق دامۋ بويىنشا مىندەتتەردى جۇزەگە اسىرۋعا باعىتتالعان.