اتىراۋدا ايەل ادام كەلىنىن بالاعاتتاعانى ءۇشىن ايىپتالدى، - دەپ حابارلايدى Qamshy.kz تengrinews.kz –كە سىلتەمە جاساپ.
اتىراۋ وبلىسىنىڭ ماحامبەت اۋداندىق سوتىندا قازاقستان رەسپۋبليكاسىنىڭ اكىمشىلىك كودەكسىنىڭ 434-بابىنىڭ 1-بولىگىمەن قۇقىقبۇزۋشى ازامتشاعا قاتىستى اكىمشىلىك ءىس قارالدى.
ايەل 2016 جىلدىڭ قىركۇيەك ايىندا بۇرىنعى كەلىنىنىڭ ار-نامىسىنا تيەتىن دورەكى سوزدەر ايتىپ، بىلاپىت سويلەپ، ياعني، اينالاسىنداعىلارعا سىيلاماۋشىلىق ءبىلدىرىپ، جەكە تۇلعانىڭ تىنىشتىعىن بۇزىپ، ۇساق بۇزاقىلىق جاساعان.
سوت ءىستىڭ ءمان-جايلارىن زەرتتەپ، سوت ايەل ادامدى ق ر اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگىمەن كىنالى دەپ تانىپ، وعان 10 ايلىق ەسەپتىك كورسەتكىش مولشەرىندە، ياعني 21 210 تەڭگە ايىپپۇل سالدى. سوت قاۋلىسى زاڭدى كۇشىنە ەندى.
