بۇگىن وڭتۇستىك قازاقستاندا ءشامشى قالداياقوۆ اتىنداعى «ارىس جاعاسىندا» VII رەترو-فەستيۆالىندە VII ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان بايقاۋىنىڭ جەڭىمپازدارىن ماراپاتتاۋ سالتاناتتى شاراسى ءوتتى. وبلىس اكىمى ج.تۇيمەبايەۆ قاتىسقان شارادا ايماق باسشىسى جەڭىمپازداردى ماراپاتتاپ، ولارعا سىي-سياپات جاسادى، - دەپ حابارلايدى Qamshy.kz.

سونىمەن، VII ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان بايقاۋىنىڭ جەڭىمپازدارىن اتاساق، ونەر جارىسىنىڭ باس جۇلدەسىن قىزىلوردالىق نازىم ساعىنتاي جەڭىپ الدى.

ءى ورىنعا وڭتۇستىك قازاقستان وبلىسىنىڭ نامىسىن قورعاعان ديانا حاشيمجانوۆا يە بولسا، ءىى ورىن الماتىلىق تىلەكباي ناعىمبايەۆ پەن استانالىق ەركەبۇلان تۇرماعامبەتوۆكە بۇيىردى. ال جۇلدەلى ءىىى ورىنعا استانالىق جالعاس سۇلتانوۆ پەن مارات ايتىمباي جانە لاۋرا ايتبايەۆالار (قاراعاندى) لايىقتى دەپ تانىلدى.

سونداي-اق، سالتاناتتى شارادا وبلىس اكىمىنىڭ ارنايى جۇلدەسىمەن جۇڭگو حالىق رەسپۋبليكاسىنان كەلگەن اسىلحان ءداستۇر ماراپاتتالسا، ارنايى ديپلوم قىرعىزستاندىق بينازيرا ابلايەۆاعا تابىستالدى.