“ەلىنە ۇران بولعان ەر جانىبەك” – بۇگىن، ياعني 11 مامىر كۇنى وسىنداي اتپەن الماتىدا RIXOS-Almaty قوناق ءۇيىنىڭ كونفەرەنسيا زالىندا ەر جانىبەك بەرداۋلەت ۇلىنىڭ 300 جىلدىعىنا وراي جارىق كورگەن باسىلىمداردىڭ تۇساۋكەسەر ءراسىمى ءوتتى. بۇل XVIII عاسىردا ءومىر سۇرگەن، قازاق حالقىنىڭ جوڭعارلارعا قارسى سوعىسىندا ۇلكەن ەرلىگىمەن، قول باستاعان باتىرلىعىمەن ەلىنە اڭىز، جۇرتىنا سايالى تۇلعا بولعان ەر جانىبەك باتىردىڭ 300 جىلدىق مەرەيتويىنا ارنالعان شارالاردىڭ ءبىرى. تۇرساۋكەسەردە «ەر جانىبەك – 300 جىل» انىقتامالىق-بيبليوگرافيالىق عىلىمي جيناعى، موڭعولياداعى قازاق جازۋشىسى سۇلتان تاۋكەي ۇلىنىڭ «اقىر جانىبەك» رومانى، سونداي-اق «كەرەيدە باتىر جانىبەك» اۋديو-بەينە جيناعى وقىرمانعا جول تارتتى.

كىتاپ تۇساۋكەسەرىندە عالىم، سىنشى، ادەبيەتشى. فيلولوگيا عىلىمدارىنىڭ دوكتورى، پروفەسسور تۇرسىنبەك كاكىشيەۆ، دۇنيەجۇزى قازاقتارى قاۋىمداستىعى ءتوراعاسىنىڭ ورىنباسارى تالعات ماماشيەۆ، «ەر جانىبەك» حالىقارالىق قورىنىڭ پرەزيدەنتى ماقسۇت تەمىربايەۆ، ق ر ەڭبەك سىڭىرگەن قايراتكەرى، اقىن-جىرشى بايانعالي ءالىمجان، تاريح عىلىمدارىنىڭ كانديداتى جانىمحان وشان، «ەر جانىبەك» حالىقارالىق قورىنىڭ ۆيسە-پرەزيدەنتى جەڭىس تۇركيا، فيلولوگيا عىلىمدارىنىڭ كانديداتى، ق ر مادەنيەت قايراتكەرى بازاربەك اتىعاي سىندى تاريحشى-جازۋشى عالىمدار مەن قوعام قايراتكەرلەرى ءسوز سويلەپ، باتىردىڭ ەلدىك، ەرلىك جانە ءبىرتۇتاس الاش ەلىنىڭ تاۋەلسىزدىگى جولىنداعى كۇرەسى جايىندا دايەكتى پىكىرلەر ايتىلدى.

تۇساۋكەسەر سوڭىندا اتالعان قوناقۇيدە باتىردىڭ رۋحىنا ارنالىپ اس بەرىلىپ، قۇران باعىشتالدى.