مال بازارلارىنا قويىلاتىن ارنايى تالاپتار جايلى حالىق كوپ بىلە بەرمەيدى. مال بازارلارعا ساتىلىمعا شىعارىلاتىن ءتورت ءتۇلiك يەلەرiنە قانداي تالاپتار قويىلادى؟ بۇل سۇراققا زاڭ جۇزىندە جاۋاپ ىزدەسەك، ماماندار نە دەر ەكەن دەپ حابارلايدى QAMSHY.KZ

اۋەز مىڭباتىروۆ، شىمكەنت قالالىق اۋىل شارۋاشىلىعى جانە ۆەتەريناريا ءبولiمi تاماق ءونiمدەرiنiڭ قاۋiپسiزدiگiن باقىلاۋ جانە قاداعالاۋ سەكتورىنىڭ باس مامانى:

– ق ر «ۆەتەريناريا تۋرالى» زاڭى 32-بابىنىڭ تالاپتارىنا سايكەس ءۇي جانۋارلارىنىڭ بارلىعى بiردەيلەندiرiلۋi تيiس جانە دەرەكقور بازاسىنا ەندiرiلۋi قاجەت. وسىعان سايكەس مال بازارعا ساتىلىمعا تۇسەتiن جانۋاردىڭ يەسi تۇرعىلىقتى جەرiنiڭ قولايلى ايماق ەكەنi ءجونiندە ۆەتەرينارلىق انىقتامانى، جانۋاردىڭ ءتولقۇجاتىن، اسا قاۋiپتi جۇقپالى اۋرۋلارعا قارسى ەگۋ iس-شاراسى تۋرالى ءمالiمەتتi كورسەتۋi تيiس. Iرi قارا، ۋاق مالداردا سىرعا، جىلقى مالىندا تاڭبا (تابرو) بولۋى قاجەت.

ءاربىر اۋدانداعى شارۋاشىلىقتاردا، ونىڭ بولىمدەرىندە بىلىكتى مال دارىگەرلەرى جۇمىس ىستەدى. ولار ەل ارالاپ ءجۇرىپ مالدىڭ اۋرۋعا شالدىقپاۋىن قاتتى قاداعالادى. بۇرىنعى مەن قازىرگى جاعدايدى سالىستىرساق، بۇگىنگى كۇنى مالدىڭ ساۋ بولۋى ەڭ الدىمەن سول مالدىڭ يەسىن الاڭداتادى. كەڭەس وكىمەتى تۇسىندا مال مەملەكەتتىڭ مەنشىگىندە بولدى. ال ءقازىر مال حالىقتىڭ جەكەمەنشىگىندە. اۋرۋ مال شىقسا، دەرەۋ باقىلاۋعا الىنىپ، وزگە وڭىرگە تاراپ كەتپەۋى ءۇشىن ۆەتەرينارلىق جۇمىستار جۇرگىزىلدى. ۆاكسينا جەتكىلىكتى بولدى. ال ءقازىر ءبىر اۋداندا قانشا مال باسى بار، سوعان وراي عانا ساناۋلى دارى-دارمەك بەرىلەدى. 

جوعارىدا كورسەتiلگەن قۇجاتتار بولماسا ءتورت ءتۇلiك مال بازارلارعا ساتىلىمعا جiبەرiلمەيدi. بۇل ءجونiندە ساۋدا ورنىنىڭ كiرەبەرiسiنە جانە قالا كوشەلەرiندەگi بيلبوردتارعا حابارلاما بەرiلگەن.

وسى زاڭ تالاپتارىنىڭ ساقتالۋى حالىق اراسىندا اسا قاۋiپتi جۇقپالى iندەتتەردiڭ تارالۋىن بولدىرماۋعا جانە مال ۇرلىعىنىڭ الدىن الۋعا مۇمكiندiك بەرەدi. ۆەتەرينارلىق قاۋiپسiزدiك – حالىقتىڭ ساۋلىعىن ساقتاۋداعى ماڭىزدى قادام.

ب.دارعوجينا http://okg.kz/