ارنايى جۇمىس توبى وتكىزگەن زەرتتەۋ شارالارى ناتيجەسىندە 99 مۇناي-سەرۆيستىك كومپانيادا جۇمىستان بوساتۋ ءقاۋپى بار ەكەنى انىقتالدى. بۇل مەكەمەلەردە 44 مىڭعا جۋىق ادام جۇمىس ىستەيدى. بۇگىندە مينيسترلىكتىڭ قولداۋىن قاجەت ەتەتىن جۇمىسشىلاردىڭ ءۇش توبى انىقتالىپ وتىر. بۇل تۋرالى ۇكىمەتتىڭ كەزەكتى وتىرىسىندا ق ر دەنساۋلىق جانە الەۋمەتتىك دامۋ ءمينيسترى تامارا دۇيسەنوۆا ايتتى، دەپ xابارلايدى Baq.kz ءتىلشىسى، - دەپ حابارلايدى Qamshy.kz  Baq.kz سايتىنا سىلتەمە جاساپ.

«ءبىرىنشى توپتا 1239 ادام بار. ولار 52 كاسىپورىندا قىزمەت ەتىپ، بيىل جۇمىستان شىعارىلعان بولاتىن. اتالعان جۇمىسشىلاردىڭ باسىم بولىگى اقتوبە مەن ماڭعىستاۋ وبلىستارىندا»، - دەدى ت.دۇيسەنوۆا.

ءمينيستردىڭ سوزىنە قاراعاندا، وسى ۋاقىتقا دەيىن سان الۋان باعدارلامالار بويىنشا جۇمىسسىز قالعان 325 ادام تۇراقتى جۇمىس تاپتى. 355ء-سى قايتا دايارلاۋ كۋرستارىنان ءوتتى. ولاردىڭ ىشىندە ۋاقىتشا جۇمىسقا تۇرعاندار دا بار. تاعى 100 ادام وزدىگىمەن جۇمىس تاۋىپ الدى. قازىرگى كەزدە قالعان 500 ادامدى جۇمىسقا ورنالاستىرۋ جۇمىستارى جالعاسىپ جاتىر.

«ەكىنشى توپقا 22 كاسىپورىننىڭ جۇمىسشىلارى كىردى. سەبەبى ولاردىڭ جۇمىسى تۇراقسىز كەستەگە اۋىستىرىلدى. ونداي جۇمىسشىلار سانى 3 200 ادامدى قۇراپ وتىر. ولاردىڭ 1316-سى جۇمىس ىستەمەيدى. ويتكەنى كاسىپورىنداردىڭ جۇمىسى توقتاعان. 1290-ى مەرزىمسىز دەمالىسقا جىبەرىلسە، 594ء-ى تولىققاندى جۇمىس ىستەپ جاتقان جوق»، - دەدى مينيستر xانىم.

ال ءۇشىنشى توپقا الداعى ۋاقىتتا جۇمىسسىز قالادى-اۋ دەگەن ازاماتتار ەنىپ وتىر. ولاردىڭ بارلىعى – اتىراۋ وبلىسىنداعى كاسىپورىنداردىڭ جۇمىسشىلارى. الداعى ەكى جىلدا اتالعان وبلىستا 3 804 ادام جۇمىسسىز قالادى دەگەن بولجام بار.

مينيستر ت.دۇيسەنوۆانىڭ ايتۋىنشا، الداعى ۋاقىتتا تەڭىزشيەۆرويلدى كەڭەيتۋ جوباسى اياسىندا قوسىمشا 20 مىڭ جاڭا جۇمىس ورنىن اشۋ جوسپارلانىپ وتىر. وسىنىڭ ەسەبىنەن جۇمىسسىز قالعان ازاماتتاردى قىزمەتكە تۇرعىزۋ جوسپارلانعان. بۇدان بولەك، يندۋستريالدىق-يننوۆاسيالىق باعدارلاما مەن جۇمىسپەن قامتۋدىڭ باسقا دا شارالارىن قولدانۋ قاراستىرىلىپ وتىر.