كوكتەمگى نوسەر جاۋىن-شاشىن مەن شىلدەنىڭ اپتاپ ىستىعى بيىلعى ەگىنگە ءارتۇرلى اسەر ەتتى دەيدى شارۋالار. ءقازىر اۋىل شارۋاشىلىعى ونىمدەرىن جيناۋ ناۋقانى اۋىلدا دا قالادا دا قىز-قىز قايناپ جاتىر.
قوماقتى ءونىم العان ديحاندار پايداعا كەنەلسە، ەندىبىرى شىعىندارىن ەسەپتەپ جاتىر. بيىلعى ماۋسىمدا ساۋدا قاتارلارىندا جەمىس-جيدەك پەن كوكونىس تە سامساپ تۇر. تاڭقۋراي، قۇلپىناي، قاراقات ءجۇزىم المانىڭ ءتۇر-تۇرى ساۋداعا شىعارىلعان.
دەگەنمەن، ساتۋشىلار جەرگىلىكتى ونىمدەرىنەن كورى وزبەكستاننان تاسىمالدانعان تاۋارلاردىڭ كوپ ەكەنىن ايتادى. ساۋدا ورىندارىندا جەرگىلىكتى جەمىس-جيدەكتەر مەن كوكونىستەردىڭ ازدىعى باعاعا دا اسەر ەتىپ جاتىر.
ءجۇزىمنىڭ كەلىسى 350 تەڭگەدەن-700 تەڭگەگە دەيىن ساتىلۋدا. قاراقاتتىڭ كەلىسىن 650 تەڭگەدەن 800 تەڭگەگە دەيىن ساتىپ الۋعا بولادى. تاڭقۋاراي تۇرىنە قاراي 750 تەڭگەدەن 900 تەڭگەگە دەيىن ساۋدالانۋدا.دەگەنمەن، وڭىردەگى باۋ-باقشالاردا پىسكەن ونىمدەر كوبىرەك بولسا، باعاسىنىڭ دا ارزان بولاتىنىن ساتۋشالىر دا جاسىرمايدى.
ال ديحان قاۋىم كوكتەمگى نوسەر جاۋىننىڭ اسەرىنەن ءونىمنىڭ بىلتىرعىدان ەسەلەي تۇسكەنىن ايتادى. بيىل شارۋالار استىقتى جىلداعىدان دا كوپ جيناۋدا. ءبىر گەكتاردان ورتاشا ەسەپتتەن 22 سەنتنەر ءونىم الىنىپ وتىر. ءقازىردىڭ وزىندە قامباعا 416 توننا ارپا استىق جينالعان.
ايتا كەتەيىك، وبلىستا بيىل 195 مىڭ گەكتار جەرگە استىق ەگىلگەن. ال ونىمدەردى جيناپ تەرۋ جۇمىستارىنا 39 مىڭ توننا ارزانداتىلعان جانار-جاعارماي ءبولىنىپ وتىر.
