«اق التىندى» ءوڭiرگە iسساپارمەن كەلگەن قازاقستان رەسپۋبليكاسى سەناتىنىڭ دەپۋتاتى قۋانىش ايتاحانوۆ اۋدان اكiمدiگiنiڭ ۇلكەن ءماجiلiس زالىندا ماقتاارالدىقتارمەن كەزدەستi.
سەناتور ەلباسىنىڭ «ۇلت جوسپارى: 100 ناقتى قادام» جانە «نۇرلى جول» باعدارلامالارى مەن جەر رەفورماسى بويىنشا قولعا الىنىپ وتىرعان جۇمىستار جايىندا باياندادى. جەر رەفورماسى بويىنشا قۇرىلعان كوميسسيانىڭ ناتيجەلi جۇمىس اتقارعانىن، ەلباسى كوميسسيانىڭ موراتورييدi تاعى بەس جىلعا ۇزارتۋ تۋرالى ۇسىنىسىن قابىل العانىن ايتتى.
– قازiر ۇلكەن پروبلەمانىڭ بiرi – قالادا دا، اۋىلدا دا تۇرعىن ءۇي سالۋعا ينفراقۇرىلىمى جۇرگiزiلگەن دايىن جەر ۋچاسكەلەرi جوق. بيىل رەسپۋبليكادا جەرگە كەزەككە تۇرعان ادامدار 1 ميلليون 400 مىڭعا جەتكەن. جەر كودەكسiندە قازاقستان ازاماتتارىنا ءومiرiندە بiر رەت 10 سوتىقتان جەر بەرۋ تۋرالى تالاپ تا بار. وسىنىڭ ءبارiن ەسكەرە كەلiپ، سەنات دەپۋتاتتارى تۇرعىن ءۇي سالۋ ءۇشiن اۋىل شارۋاشىلىعى جەرiنەن جەر تەلiمiن بەرۋ ماسەلەسiن كۇن ءتارتiبiنە قويىپ وتىرمىز، – دەدi ق.ايتاحانوۆ.
باسقوسۋدا سەناتور جۇرتشىلىقتى اشىق سۇحباتقا شاقىرىپ، ولاردىڭ ۇسىنىس-پiكiرلەرiنە قۇلاق ءتۇردi. ەڭبەك ارداگەرi، بايىرعى اگرونوم مەكەنباي اتاباي ۇلى بيىل دا ماقتاارالدىق ديقانداردىڭ اعىن سۋ تاپشىلىعىنان زارداپ شەگiپ، قينالعانىن اشىنا ايتىپ، بۇل ماسەلەنi جوعارى دەڭگەيدە دۇرىس شەشiلۋiن ءوتiندi. سونداي-اق، ماقتاارال – شاردارا تاسجولى تەزiرەك iسكە قوسىلسا، ەلدi مەكەندەر تولىق گازداندىرىلسا دەگەن تiلەگiن جەتكiزدi.
قازىبەك بي اۋىلدىق وكرۋگiنەن كەلگەن 80 جاستان اسقان ەڭبەك ارداگەرi سەمبەك جۇماتوۆ سۋارمالى جەردiڭ سورلانىپ، تۇزدانۋى جىلدان-جىلعا ءورشiپ بارا جاتقانىنا الاڭداۋشىلىق بiلدiرiپ، تiك درەناجداردى كوپتەپ iسكە قوسىپ، ونىڭ ساپالى جۇمىس iستەۋiن باقىلاپ، قاداعالاۋ قاجەتتiگiن ايتتى.
اۋداندىق ءماسليحاتتىڭ دەپۋتاتتارى باقىت جۇمانوۆپەن مارات دiلدابەكوۆ سەناتوردان ەلدi مەكەندەردەگi iشكi جولداردىڭ 80 پايىزى جارامسىزدانىپ توزعاندىقتان، وعان وبلىستىق بيۋدجەتتەن قارجى ءبولدiرۋگە ىقپال ەتۋiن ءوتiندi. سۋارمالى جەردiڭ ساتىپ الۋ باعاسى تومەندەتiلiپ، بيداي ەگەتiن جەرلەردi مەملەكەت يەلiگiنە الۋ كەرەك دەگەن ۇسىنىستارىن بiلدiردi.
كەزدەسۋ سوڭىندا ق.ايتاحانوۆ تۇرعىنداردىڭ ءاربiر كوتەرگەن ماسەلەسi وزەكتi ەكەنiن تiلگە تيەك ەتiپ، الداعى ۋاقىتتا ونىڭ تياناقتى شەشiمiن تابۋىنا كۇش سالاتىنىن ايتتى.
ءسابيت قالدىبايەۆ. ماقتاارال اۋدانى. «ءوڭتۇستiك قازاقستان». http://okg.kz/
