سوزاق اۋدانىندا بۇگiنگi تاڭدا مال شارۋاشىلىعىمەن اينالىساتىن شارۋا قوجالىقتارىنىڭ ءبارi ەتتi قوي تۇرلەرiن ءوسiرۋمەن قارقىندى تۇردە اينالىسۋدا.  سەبەبى، ەتى دە، تەرىسى دە باعالى قوي ۇلكەن سۇرانىسقا يە ەكەنى ايتپاسا دا تۇسىنىكتى. قاراكول شارۋاشىلىعى - ەلىمىزدىڭ ءشول جانە شولەيىتتى ايماقتارىنىڭ ەكونوميكاسىندا ەرەكشە ورىن الاتىن قازاقستاننىڭ قوي شارۋاشىلىعىنداعى كەلەشەگى مول سالانىڭ ءبىرى. ونىڭ باستى ءونىمى ەستەتيكالىق جاعىنان قۇندى بولىپ ەسەپتەلەتىن قاراكول ەلتىرىسى، سونداي-اق قوي ەتى، ءىرى تالشىقتى ءجۇن ءوندىرۋ بولىپ تابىلادى. ال بۇل قوي تۇقىمى ۇزاق قاشىقتىقتا جايىلا الادى (تاۋلىگىنە 10-15 شاقىرىمعا)، ىشىلگەن سۋدىڭ جوعارى مينەرالدانۋىن جانە اۋا تەمپەراتۋراسىنىڭ كۇرت اۋىتقۋىن جاقسى كوتەرەدى.ونىڭ ۇستىنە قاراكول قويى تۇقىمى الەمدەگى ەرتەدەن كەلە جاتقان مال تۇقىمدارىنىڭ ءبىرى بولىپ تابىلادى.

سوندىقتان، بۇل قوي تۇقىمىن ساقتاۋ جانە ونىڭ باسىن كوبەيتۋ شولدى-شولەيتتى ايماقتار ءۇشىن وتە قاجەت.

ال سالا ماماندارى كوزiن تاپسا، قاراكول شارۋاشىلىعىنان كەلەر تابىستىڭ كول-كوسiر بولاتىنىن ايتادى.

وسى باعىتتاعى جۇمىستاردى جانداندىرعان تەرiسكەيلiكتەردiڭ قاراكول مال شارۋاشىلىعىن دامىتۋ ءجونiندەگi جۇمىستارى ءوز ناتيجەسiن بەرە باستادى. بۇگiندە سوزاق اۋدانىندا ەكi بiردەي شارۋاشىلىق – «قۇمكەنت» جانە «قاراقۇر» ءوندiرiستiك كووپەراتيۆi قاراكول قويىن ءوسiرۋمەن اينالىسادى. 

تامىز ايىندا «قاراقۇر» ءوندiرiستiك كووپەراتيۆi 1238 باس قاراكول توقتىسىن بiرiككەن اراب ءامiرلiكتەرiنە ەكسپورتقا شىعارىپ، تيiمدi باعادا ساتتى. شەتەلدiكتەردiڭ قوي الۋداعى تالاپتارىنان تولىقتاي شىققان كووپەراتيۆ جەتەكشiسi جىل سوڭىنا دەيiن تاعى دا بiرقاتار قاراكول قويىن شەتەلگە ساتۋدى جوسپارلاپ وتىرعانىن ايتادى.

«ءوڭتۇستiك قازاقستان». http://okg.kz/