ايدانا مەدەنوۆا ۋادە ەتكەن كەزەكتى بەينەبايانىن جارىققا شىعاردى. الايدا كوتەرىڭكى كوڭىل-كۇي مەن جاعىمدى ەموسيا سىيلاۋدى ماقسات تۇتقان بۇل تۋىندىنى ۇناتقانداردان قاراعاندا سىناعاندار سانى كوپ بولدى، - دەپ جازادى الاش-ينفورم.
«سۋ» – مەدەنوۆانىڭ ەكىنشى بەينەبايانى. بۇعان دەيىن ءانشىنىڭ «مەنىمەن بيلە» اتتى تۋىندىسى ەل كوڭىلىنەن شىققان بولاتىن. ايدانانىڭ «تۇڭعىشى» وتاندىق حيت شەرۋلەردە الدىڭعى ورىنداردان كورىندى. ەكىنشى كليپ وعان جەتە الا ما، جوق پا، ونى ۋاقىت كورسەتەر. تەك مىناداي جاعىمسىز پىكىرلەردەن كەيىن قالاي بولار ەكەن؟
«ولەڭنىڭ سوزىندە ماعىنا جوق، سۋ ءسوزىن مۋزىكاعا كەلە قويعان سوڭ الا قويعان سياقتى»، «ءىش پىستىراتىن ءان مەن كليپ»، «تۇك ماعىناسى جوق، ءبىراق كليپ جاقسى تۇسىرىلگەن»، «ولەڭنىڭ سوزدەرى تۇسىنىكسىز، ال كليپ تەك ايدانانىڭ سىرت كەلبەتىن كورسەتۋ ءۇشىن تۇسىرىلگەندەي. سوڭىندا بيلەگەن ءبيى دە ونشا ەمەس»، «مىنا كليپتى سوڭىنا دەيىن كورە المادىم»، – دەپ پىكىر بىلدىرگەن جەلى قولدانۋشىلارى.
ەسەسىنە ايدانانى قولداپ، جاڭا تۋىندىسىن جوعارى باعالاعاندار دا جەتەرلىك.
«كليپتىڭ ماقساتى قۋانتۋ، دەم الدىرۋ، بۇل سونداي جەڭىل ولەڭ، ەشقانداي اۋىر ماعىناسىز»، «جارايسىز، ءسىزدىڭ ونەرىڭىزگە باسىمدى يەمىن»، – دەيدى ولار.
