2017 جىلدان باستاپ، 48 مەملەكەتكە ەسىگىمىزدى ايقارا اشادى ەكەنبىز! ياعني، بىزگە ول ەلدەردىڭ كەز كەلگەن ازاماتى ۆيزاسىز كەلە بەرمەك!
ەكسپو-عا بولا وسىنداي اسا ءقاۋىپتى قادامعا بارۋعا بولا ما؟!
"ولار دامىعان ەلدەر" دەيدى. سول دامىعان ەلدەردىڭ ءوزى تەرروريزمنىڭ پلاسدارمى بوپ جاتقان جوق پا؟ جانە دە سولارداعى تەراكتىلەردى جۇزەگە اسىرىپ جاتقانداردىڭ دەنى دە - سول دامىعان ەلدەردىڭ ازاماتتارى ەمەس پە؟! ەرتەڭ ول سول ەلدىڭ پاسپورتىمەن بىزگە ۆيزاسىز كەلىپ جاتسا، نە ىستەيمىز؟!
ال بىزگە ينۆەستيسيا اكەلمەك بيزنەسمەندەر توپتاپ كەلمەيدى، جەكەلەپ كەلەدى. جانە دە ولاردىڭ ءبارى "قازاقستان سەكىلدى ەلگە بارۋ - مەنىڭ ومىرلىك ارمانىم، ول جاققا قارجى قۇيماسام، قۇريمىن!" دەپ جاتقان جوق شىعار!
كەلسىن، ۆيزاسىن السىن، ەشنارسەسى كەتپەيدى! كەرىسىنشە، "كەز كەلگەن ەلگە ەسىگىن اشقان ەلدىڭ قاۋىپسىزدىگى قانداي بولماق؟" دەپ، ءوز بيزنەسىنىڭ بولاشاعىنا قاۋىپتەنىپ، بىزدەن ات-تونىن الا قاشۋى دا مۇمكىن عوي.
قىسقاسى، ءوز باسىم بۇل شەشىمگە قارسىمىن. بىزگە ءوز ەسىگىن اشقان، ياعني ۆيزاسىز بارۋعا رۇقسات بەرگەن ەلدەرگە عانا سونداي، ۆيزاسىز رەجيم ورناتايىق، سول دۇرىس بولادى!
ءامىرجان قوسانوۆتىڭ فەيسبۋكتەگى پاراقشاسىنان الىندى
