قوسسەيىت اۋىلىندا سوڭعى ۋاقىتتا ءجۇزىم ءوسىرىپ، ۇيىنەن جىلىجاي سالۋشىلار قاتارى مولايىپ تۇر. اۋدان اكىمى ارمان ابدۋللايەۆ بىلتىردان باستاپ بارلىعى 13 گەكتار القاپقا ءجۇزىم اعاشىن وتىرعىزىپ جاتقان قابىلان جۇمابەكتىڭ شارۋاشىلىعىن ارالاپ كوردى. جاپىراعىن جايقالتىپ ۇلگەرگەن باۋدىڭ ءوسىمى جاقسى كورىنەدى.

اينالىسىپ جاتىر ەكەن. بۇگىنگى كۇننىڭ تالابى – كووپەراتيۆكە بىرىگە وتىرىپ، مەملەكەت تاراپىنان بەرىلەتىن كوپتەگەن جەڭىلدىكتەردى پايدالانۋ ەكەنىن جەتە ۇعىنعان قابىلان مىرزا بۇل جۇمىستا كەزدەسەتىن قيىندىقتاردى دا ايتىپ ءوتتى. قوجالىق يەسىن مۇقيات تىڭداعان اۋدان باسشىسى پروبلەمالار بويىنشا جۇمىس جۇرگىزەتىنىن ايتتى.
 

اۋدان اكىمى ۇيىرگەلىك جىلىجاي كولەمىن ودان ءارى ۇلعايتىپ جاتقان ءنادىر قوسانوۆتىڭ تىرلىگىنە ريزا بولدى. العاشىندا 10 سوتىق جەرگە جىلىجاي جاساپ، كوك-سوك ەككەن قوسانوۆتاردىڭ وتباسى ءونىمدى وزىنەن شىعارسا كول-كوسىر پايدا بولاتىنىنا كوزدەرى جەتكەن. سوندىقتان دا بيىل تاعى دا اۋلاسىنداعى جىلىجاي كولەمىن كەڭەيتىپتى. الداعى ۋاقىتتا اتامۇراعا العان جەرىنەن 50 سوتىق جەرگە جىلىجاي جاساپ، اۋىلدى كوگەرگەنمەن قامتاماسىز ەتۋگە تاۋەكەل جاساپ وتىرعان ءنادىر قوسانوۆتىڭ ەڭبەكقورلىعى باسقالارعا ۇلگى بولاتىن تىرلىك ەكەنىن اۋدان باسشىسى اتاپ كورسەتتى.
اۋدان باسشىسى كەلەشەكتە 100 باسقا ارنالعان مال بورداقىلاۋ كەشەنىن سالعان نۇرلان شايمانوۆتىڭ جۇمىسىمەن دە تانىسىپ، كاسىپكەرلىگىنە تابىس تىلەدى.