سوزاق اۋدانىندا اسىل تۇقىمدى مال ءوسىرۋ، بورداقىلاۋ جانە مال ونىمدەرىن وڭدەيتىن كەشەن - «سوز-اگرو» كورپوراتيۆتىك قورى قۇرىلدى.
اتالعان كورپوراتيۆ قورىن قۇرۋ اۋدان اكىمدىگى جانە ۋران وندىرەتىن فرانسۋزدىق «اريەۆا» كومپانياسى مەن قازاق-فرانسۋز «كاتكو» بك-مەن ۇزاق جىلعى كەلسسوزدەردىڭ ناتيجەسىندە قول جەتكىزىپ وتىر.
قۇرىلتايشىسى «اريەۆا نس-كاتكو-دەمەۋ» بولىپ تابىلاتىن كورپوراتيۆتىك قور بيزنەستىڭ الەۋمەتتىك جاۋاپكەرشىلىك اياسىندا اۋدانداعى اۋىل شارۋاشىلىق سالاسىنا 400 ملن. تەڭگە ينۆەستيسيا قۇيىپ وتىر.
اۋداندىق اۋىل شارۋاشىلىعى جانە جەر قاتىناستارى ءبولىمىنىڭ باسشىسى ابۋباكىر ساحي ۇلىنىڭ ايتۋىنشا، اتالعان كورپوراتيۆكە 300 باس اسىل تۇقىمدى ءمۇيىزدى ءىرى قارا مەن 15 باس اسىل تۇقىمدى بۇقا الىنباق. بۇگىندە كەشەننەن مال ورىسىنە جەر بولىنگەن.
ىسكە اساتىن جوبادا مال باسىن الۋعا 50 ملن. تەڭگە، كەشەن قۇرىلىسىنا 268 ملن. ال اۋىل شارۋاشىلىعىنا قاجەتتى تەحنيكالارعا 82 ملن. تەڭگە قارجى جۇمسالىپ، جالپى 50 ادام جۇمىسپەن قامتىلاتىن بولادى.
سونداي-اق، «سوز- اگرا» كورپوراتيۆتىك قورى الداعى ۋاقىتتا قازاق ۇلتتىق اگرارلىق ۋنيۆەرسيتەتىنىڭ عالىمدارىمەن بىرلەسە وتىرىپ، اۋدان كولەمىندە اۋىل شارۋاشىلىعىن دامىتۋدى ماقسات قويىپ وتىرعانى بارشاعا ايان. وسى تۇرعىدا ۇلكەن ىلكىمدى ىستەر، جاڭا جوبالار جاسالادى دەپ جوسپارلانۋدا.
