تۇلكىباس اۋدانى ەجەلدەن ەگىن شارۋاشىلىعىمەن قارقىندى اينالىسىپ كەلەدى. تۇلكىباس اۋدانىمىزدا ەگىلگەن 11400 گەكتار ماقسارى داقىلى بار، ونىڭ بۇگىنگە دەيىن 5600 گەكتارى ورىلدى. ماقسارى داقىلىنىڭ ورىندالۋى 48 پايىزدى قۇراپ وتىر. بيىلعى اۋا رايىنىڭ ءبىرشاما جاۋىن-شاشىندى بولۋىنا بايلانىستى داقىلدار بىتىك شىعىپ، ءار گەكتارعا شاققاندا ءتۇسىم 9،2 سەنتنەرگە اينالدى. ەگىننەن قامباعا 5160 توننا ءونىم الىندى،-دەپ  حابارلايدى  تۇلكىباس اۋدانى اكىمىنىڭ باسپا ءسوز قىزمەتى.

بۇل ارينە، جاقسى كورسەتكىش دەسەك قاتەلەسپەيمىز. ەگىندى ورىپ الىسىمەن جەر جىرتۋ جۇمىستارى جالعاسىپ جاتىر.  ءقازىر ايتار بولساق، اۋدان بويىنشا 3 500 گەكتار جەر جىرتىلدى.  بۇل از ەمەس.  ماقسارى جيناۋ، جەر جىرتۋ جۇمىستارىن “قىزىل جار” ءجشس-ى، بالىقشى اۋىل وكرۋگىندەگى “نۇرتاي اتا” شارۋا قوجالىعى، ازاتتىق اۋىلىنداعى “ماقۇلبەك” ءجشس-ى وسى سالالاردا ناتيجەلى ەڭبەك ەتىپ، جوعارى ونىمگە قول جەتكىزگەنىن ايتا كەتۋ كەرەك. اگروتەحنيكالىق تالاپتاردىڭ ساقتالۋى، جاڭا تەحنولوگيالاردىڭ قولدانۋى مەن مەملەكەت تاراپىنان دەر كەزىندە بەرىلگەن قولداۋلاردىڭ ارقاسىندا  بيىلعى جىلى  استىقتىڭ  مول ءونىمىن  وسىرۋگە قول جەتكىزىپ وتىرمىز دەيدى ديقاندار.

  وسى ىرىلەنگەن شارۋاشىلىقتار باسقا شارۋا قوجالىقتارعا ۇلگى بولىپ، شارۋا جۇمىسىنىڭ ءتيىمدى تۇستارىن كورسەتىپ كەلەدى. “ۇيىمداسقان ۇتادى” دەگەن قاعيدانى ۇستانعان وسى شارۋاشىلىقتاردىڭ ۇتىمدى ىستەرىنە سۇيسىنەسىڭ.