بۇگىن تەرىسكەيلىكتەر  «ەڭبەك كۇنى» مەرەكەسىن اتاپ ءوتتى. شارا اياسىندا اۋدان ورتالىعىندا اۋىلشارۋاشىلىق ونىمدەرىنىڭ جارمەڭكەسى ۇيىمداستىرىلدى. ون ەكى اۋىل وكرۋگىنىڭ شارۋالارى وزدەرى شىعارعان ونىمدەردى اۋدان حالقىنا ءتيىمدى باعادا ۇسىندى،- دەپ حابارلايدى سوزاق اۋدانى اكىمىنىڭ باسپا ءسوز قىزمەتى.

        قازاقستاندا 2013 جىلدان بەرى  قىركۇيەك ايىنىڭ ەڭ سوڭعى جەكسەنبىسىندە «ەڭبەك كۇنى» مەرەكەسى اتالىپ  ءوتىپ جۇرگەنى بارشاعا بەلگىلى. ايتا كەتۋ كەرەك، ەلباسى ن.نازاربايەۆتىڭ جارلىعى بويىنشا ەلىمىزدە قىركۇيەك ايىنىڭ سوڭعى جەكسەنبىسى – «ەڭبەك كۇنى» مەرەكەسى بولىپ بەلگىلەنگەن. اتالعان مەرەكەنىڭ باستى ماقساتى جالپىعا ورتاق ەڭبەك قوعامىن قۇرۋ شەڭبەرىندەگى ءوندىرۋشى ەڭبەكتى ىنتالاندىرۋ، جاستار اراسىندا جۇمىسشى كاسىبىن ناسيحاتتاۋ جانە جۇمىسشى اۋلەتىندەگى كوپجىلدىق ءداستۇردى نىعايتۋ، دارىپتەۋ بولىپ تابىلادى. اتالمىش مەيرام ءداستۇرلى تۇردە جالعاسىپ، بۇگىنگى كۇندەرى جاستار اراسىندا ەڭبەكتى دارىپتەپ كەلەدى.

سوزاق اۋدان اكىمى م.يسايەۆ بارشا ەڭبەك ادامدارىن اتاۋلى كۇنمەن قۇتتىقتاپ، ءبىرقاتتار وزات جاندارعا العىس حات تاپسىردى. قىزىلكول ەلدى مەكەنىندەگى «قايرات» بالاباقشاسىنىڭ باسشىسى، ەڭبەك وزاتى ن. تولەۋوۆا بارشا اۋدان حالقىن قۇتتىقتاپ، تالماي ەڭبەك ەتۋگە شاقىردى. مەرەكەگە وراي بەزەندىرىلگەن ورتالىق الاڭدا اۋداندىق مادەنيەت ءۇيى قىزمەتكەرلەرى قويعان كونسەرتتىك باعدارلاماعا ۇلاستى.  

.