«اگروبيزنەس 2020» باعدارلاماسى اياسىندا جاسالىپ جاتقان مەملەكەتتىك قولداۋلاردىڭ ارقاسىندا بۇگىندە اۋىل شارۋاشىلىعى تاۋارلارىن ءوندىرىپ، ەل ەكونوميكاسىنا قىزمەت ەتىپ ءارى ءوز تۇرمىسىن دا تۇزەپ جاتقان ازاماتتار كوپ. سولاردىڭ ءبىرى ماقتارال اۋدانى دوستىق اۋىل وكرۋگiنە قاراستى گۇلiستان ەلدi مەكەنiندە تۇراتىن ماحمۋد سۋبحانوۆ ەسىمدى ازامات. بۇل تۋرالى okg.kz سايتى جازدى.
ماحمۋد سۋبحانوۆتىڭ مال بورداقىلاۋ iسiن قولعا العانىنا ونشا كوپ ۋاقىت بولا قويماپتى.
— ءوزiمiزدiڭ سۋارمالى جەرiمiز بولعاندىقتان، جىلدا قاۋىن، ماقتا ەگۋمەن اينالىسىپ ءجۇردiك. قانشا دەگەنمەن، ءونiمنiڭ بارلىعىن تۇگەل ساتىپ جiبەرە المايسىڭ. ەگiستiكتە قالىپ قويعان قاۋىن، قاربىز، ماقتا قالدىقتارىن ىسىراپ ەتپەي، بiر كادەگە جاراتۋدىڭ جولدارىن iزدەستiرە باستادىم. ويلانا كەلە، مۇنىڭ ەڭ ۇتىمدى ءتاسiلi مال بورداقىلاۋ دەپ ويلادىم. مال باسىن كوبەيتۋ ءۇشiن «ىرىس» ميكروقارجى ۇيىمىنان بىلتىر 6 ميلليون تەڭگە نەسيە الدىم. 7 پايىزدىق مولشەرلەمەمەن 3 جىلعا ءبولiپ تولەيتiندەي ەتiپ، كەلiسiمشارت جاسادىق. العان قاراجاتىمىزعا ون وگiز، ون بۇزاۋ، بەس سيىر الىپ، كاسiبiمiزدi باستادىق. كۇزدە بiراز وگiزدەردi سەمiرتiپ، بابى كەلiسكەندەرiن بازارعا شىعارىپ ساتتىق. ناتيجەسi جاقسى، بiر وگiزدiڭ باعاسى 300 مىڭ تەڭگەگە دەيiن باردى. سونىڭ ارقاسىندا نەسيەمiزدiڭ بiراز ءبولiگiنەن قۇتىلىپ ۇلگەردiك. يەلiگiمiزدە 45 گەكتار جەرiمiز بار. سوندىقتان مال جەم-شوبiنiڭ 50 پايىزى ءوزiمiزدەن شىعادى دەۋگە بولادى. ءدال قازiرگi ۋاقىتتا فەرمامىزدا 20 باس iرi قارا مال بار، ونىڭ 10-ى ساۋىندى سيىر. كۇنiنە شامامەن 30-40 ليتردەي ءسۇت الامىز. سەبەبi، بارلىق سيىردى ساۋا بەرمەيمiز، كەيبiرiن بۇزاۋلارى اياقتانعانشا ءتولiنە بەرەمiز. بازارعا ءسۇت، ايران، سۇزبە اپارىپ ساتامىز. مۇندا ەكi ادام جۇمىسپەن قامتىلعان. ولاردىڭ جالاقىلارىن ۋاقتىلى تولەپ وتىرامىز. كەلەشەكتە قورا-جايىمىزدى كەڭەيتiپ، جەم-شوپ جينايتىن بولەك كەڭ ورىن سالساق دەپ جوسپارلاپ وتىرمىز، —دەيدى س.ماحمۋدوۆ.
رەسمي مالىمەتتەر بويىنشا جىل باسىنان بەرى وڭتۇستىك قازاقستاندا فەرمەرلەرگە «ىرىس» قارجىلاندىرۋ ۇيىمى ارقىلى تومەنگى پايىزبەن 486 جوبانى قارجىلاندىرىلۋعا 1،2 ملرد. تەڭگە كولەمىندە نەسيە بەرىلگەن. «سىباعا»، «التىن اسىق»، «قۇلان» باعدارلامالارىمەن 35 مىڭنان اسا مال باسى ساتىپ الىندى.
