الماتىداعى «جەتىسۋ» قوناق ءۇيىنىڭ شاتىرى ورتەندى، - دەپ حابارلايدى Qamshy.kz.

ءورت ءقازىر كۇردەلى جوندەۋدەن ءوتىپ جاتقان قوناق ءۇيدىڭ شاتىرىندا بولعان. كەشكى ساعات جەتى جارىمداردا باسالعان ءورت ءبىر ساعاتتان سوڭ اۋىزدىقتالىپ، 21 ساعات 38 مينۋتتا تولىق سوندىرىلگەن.

ورتەنگەن اۋماق 3500 شارشى مەتردى قۇرايدى (ءقوناقۇيدىڭ جالپى اۋماعى – 5600 ش.م.). توتەنشە جاعدايلار قىزمەتىنىڭ حابارلاۋىنشا، قازا بولعاندار مەن جاراقات العاندار جوق كورىنەدى.

ءتىلسىز جاۋمەن كۇرەسكە 130 ءورت ءسوندىرۋشى مەن 28 تەحنيكا جۇمىلدىرىلىپ، قوناق ءۇيدى جوندەپ جاتقان 70 جۇمىسشى مەن كورشى ءدامحانادا وتىرعان 50 ادام سىرتقا شىعارىلعان.

ەستەرىڭىزگە سالساق، مەملەكەتتىك مەنشىكتە بولىپ كەلگەن اتالعان قوناق ءۇي جاقىندا اۋكسيون ارقىلى 1،7 ميلليارد تەڭگەگە جەكە مەنشىككە ساتىلعان بولاتىن.