بۇل اتىشۋلى ءىس مامانداندىرىلعان قىلمىستىق ىستەر جونىندەگى سوتتا قارالماق، - دەپ حابارلايدى Qamshy.kz كتك ارناسىنا سىلتەمە جاساپ.
ءقازىر وتىرىس وتەتىن زالدى باقىلاۋ كامەراسىمەن جابدىقتاپ جاتىر. ويتكەنى سوتتالۋشىلاردان بولەك كەلۋشىلەردىڭ كوپ بولاتىنى ايتپاسا دا تۇسىنىكتى. سوندىقتان زالعا سىيماعاندار ەكىنشى بولمەدەگى ەكراننان باقىلايدى. ءبىراق ازىرگە پروسەسس وتەتىن جەردى ەشكىمگە كورسەتپەي وتىر. جوعارى سوت سايتىنا جاريالاعان ءتىزىم دە بىرنەشە ساعاتتان سوڭ الىنىپ تاستالدى.
دەگەنمەن وندا ماۋسىمداعى اتىس كەزىندە ءتىرى قالعان 9 سودىر مەن ولاردىڭ 20 سىبايلاسىنىڭ اتى جازىلعان. ءتىزىمدى ءبىر اپتا بويى ءتارتىپ ساقشىلارىنا ۇستاتپاي، ارەڭ قولعا تۇسكەن 28 جاستاعى ارسەن تاڭاتاروۆ باستاپ تۇر. تاپا-تال تۇستە كوشەدە وق اتقان الىبەك اقپانبەتوۆتىڭ دە جاراقاتى جازىلىپ، سوتقا ەشكىمنىڭ سۇيمەلدەۋىنسىز كەلەدى دەلىنگەن. ماۋسىمدا سودىرلاردى ەكى كۇن بويى جالدامالى پاتەردە جاسىرىپ ۇستاعانداردىڭ دا كىم ەكەندىگى بەلگىلى بولدى. ميرلان ەرداۋوۆ پەن ۇسەن وتەپوۆ ەندى وسى قىلمىسى ءۇشىن كەم دەگەندە 6 جىلعا باس بوستاندىعىنان ايرىلۋى مۇمكىن.
