«نۇر وتان» پارتياسى ءتوراعاسىنىڭ ءبىرىنشى ورىنباسارى قاراعاندى وبلىسىندا بولدى، - دەپ حابارلايدى Qamshy.kz پارتيانىڭ باسپا ءسوز قىزمەتىنە سىلتەمە جاساپ.

ساپار بارىسىندا مۇحتار قۇل-مۇحاممەد «نۇرلى جول» باعدارلاماسىن جۇزەگە اسىرۋ ساپاسىن تەكسەردى، يندۋستريالدىق جانە اگروونەركاسىپتىك سالالاردىڭ دامۋ قارقىنىنا باعاسىن بەردى، پارتيا اكتيۆىمەن كەزدەستى، سونداي-اق، پوليتەحنيكالىق كوللەدج بەن ە.بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنە باردى.

قاراعاندى وبلىسىندا «نۇر وتان» پارتياسى ءتوراعاسىنىڭ ءبىرىنشى ورىنباسارى حالىقتى جۇمىسپەن قامتۋ ماسەلەسىنە ەرەكشە كوڭىل ءبولدى. ول جاستارعا مەملەكەت باسشىسىنىڭ تاپسىرماسىمەن جوو جانە كاسىپتىك ۋچيليششەگە وقۋعا تۇسە الماي قالعان مەكتەپ تۇلەكتەرىن كاسىبي دايارلاۋ مەن جۇمىسقا ورنالاستىرۋ بويىنشا اۋقىمدى رەسپۋبليكالىق جوبا قولعا الىنعانىن جەتكىزدى. پارتيا ەلىمىزدىڭ ءار وڭىرىندەگى جاعدايدى ءجىتى زەرتتەپ، كومەككە مۇقتاج 10 مىڭعا جۋىق جاستى انىقتادى. «نۇر وتان» ولاردىڭ بارلىعىنا قولداۋ كورسەتەدى. اتاپ ايتقاندا، جاستاردى جۇمىسشى ماماندىقتارى بويىنشا وقىتىپ، مەملەكەتتىك باعدارلامالار اياسىندا تۇرعىزىلىپ جاتقان نىساندارعا جىبەرەدى.

مۇحتار قۇل-مۇحاممەد ورتالىق قازاقستانعا ساپارىنىڭ سوڭىندا ە.بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنە باردى. جوو-نىڭ پروفەسسور-وقىتۋشىلار قۇرامىمەن جانە ستۋدەنتتەرىمەن كەزدەسۋ قازاقستان تاۋەلسىزدىگىنىڭ 25 جىلدىعىنا ارنالدى. وندا مۇحتار قۇل-مۇحاممەد: «رەسەيدىڭ ەڭ ۇلكەن ۋنيۆەرسيتەتتەرىندە ءبىلىم العان الاش قايراتكەرلەرىنىڭ تۇپكى ماقساتى اۆتونوميا ارقىلى تاۋەلسىز قازاق مەملەكەتىن قۇرۋ ەدى. ولار وزدەرىنىڭ بۇكىل ءومىرىن وسى ىزگى ماقساتقا ارناپ، حالقىنىڭ بولاشاعى ءۇشىن قۇربان بولدى. ولاردىڭ ەسىمدەرىن بۇگىنگى جاستار ەشقاشان ۇمىتپاۋى كەرەك. سوندىقتان ءبىز الاش اۆتونومياسىنىڭ قۇرىلعانىنا 100 جىل تولۋ مەرەيتويىن لايىقتى تۇردە اتاپ وتۋگە مىندەتتىمىز»، – دەدى.