الماتىدا تاڭەرتەڭنەن بەرى 40 شاقتى مۋنيسيپالدىق اۆتوبۋس جولعا شىققان جوق، - دەپ حابارلايدى Qamshy.kz Tengrinews.kz – كە سىلتەمە جاساپ.

تاڭەرتەڭنەن باستاپ ايالدامالاردا تۇرعان ادامدار سانى جۇزدەن اسىپ كەتكەن، ونىڭ ىشىندە اۆتوبۋستى كۇتىپ تۇرعان مەكتەپ وقۋشىلارى، ستۋدەنتتەر جانە زەينەتكەرلەر بار. №30، 32 جانە 121 باعىتتاعى اۆتوبۋستاردىڭ جولعا شىقپاعانى ايتىلدى.

الماتى قالالىق جولاۋشىلار كولىگى جانە اۆتوموبيل جولدارى باسقارماسىنداعىلاردىڭ ايتۋىنشا، اۆتوبۋستاردىڭ جولعا شىقپاۋىنىڭ سەبەبى - گاز تولتىراتىن بەكەتتىڭ ىستەن شىققان.

"تاڭەرتەڭنەن باستاپ ماعان كوممۋنالدىق پاركتە گاز تولتىراتىن جانارماي بەكەتىنىڭ ىستەن شىققانىن بايانداپ بەرگەن بولاتىن. سوندىقتان اۆتوبۋس جۇرگىزۋشىلەرى گاز تولتىرىپ ۇلگەرمەگەن. وسىلايشا ىستەن شىققان جانارماي بەكەتتەرى تاڭەرتەڭگى ۋاقىتتا جوندەلىپ بىتكەن. وپەراتور وزدەرى ۇلگەرەمىز دەپ ويلاپ، دەر كەزىندە ديرەكتورعا ەسكەرتپەگەن، سوندىقتان مىناداي قيىندىقتار تۋىنداپ وتىر"، - دەدى الماتى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ.

ونىڭ مالىمەتىنشە 40-قا جۋىق اۆتوبۋس گاز تولتىرىپ ۇلگەرمەگەن. "قازىرگى ۋاقىتتا ولار جانارماي قۇيىپ الىپ، جولعا شىعىپ جاتىر"، - دەدى يساحوۆ. 

الايدا باسقا باعىتتا جۇرەتىن جۇرگىزۋشىلەر مەن كوندۋكتورلاردىڭ ايتۋىنشا، ولار جوسپاردىڭ كوبەيتىلگەنىنە بايلانىستى شىقپاي وتىر ەكەن. باسقارمادا بۇل مالىمەتتى جوققا شىعاردى.