ساۋد اراۆياسىنىڭ دجيددا قالاسىندا ورنالاسقان «ات-تەييبا» زەرگەرلىك فابريكاسى سالماعى 33 كەلى بولاتىن التىن اشەكەي جيناعىن جاساپ شىعاردى،- دەپ حابارلايدى Qamshy.kz قازاپاراتقا سىلتەمە جاساپ.
جيناق القا، سىرقا، بىلەزىك پەن جۇزىكتەن تۇرادى. بۇل الەمدەگى التىننان جاسالعان ەڭ اۋىر اشەكەي بۇيىم بولىپ وتىر. سىناماسى 999 بولاتىن التىننان جاسالعان بۇل بۇيىم گيننەستىڭ رەكوردتار كىتابىنا ەنگىزىلدى. اشەكەيدى جاساۋ ءۇشىن ءجۇز زەرگەر ءبىر جىل ۋاقىتىن جۇمساعان. جيناق 1،5 ملن دوللارعا باعالانعان.
فابريكانىڭ اتقارۋشى ديرەكتورى يسام ءال-اشرافي: «ءبىز ەلىمىزدىڭ ەرلەرى مەن ايەلدەرىنىڭ قولىنان شىققان بىرەگەي التىن اشەكەي ارقىلى ساۋد اراۆياسىنىڭ اتىن گيننەس رەكوردتار كىتابىنا جازۋدى قالادىق»-دەيدى.
