سوڭعى 25 جىلدا پرەزيدەنت باسشىسى لاۋازىمى ءۇشىن وتكەن سايلاۋدا حالىقتىڭ ەڭ كوپ داۋسىن جيناعان 10 ەلدىڭ  پرەزيدەنتى تۋرالى نە بىلەمىز؟ "ايف" باسىلىمى باسەكەلەستەرىن باسىپ وزىپ، حالىقتىڭ باسىم بولىگىنىڭ قولداۋىنا يە بولعان ەل باسشىلارىنىڭ ءتىزىمىن جاساپتى. ەندى سوعان توقتالايىق.

ساددام حۋسەين. 1995 جىلدىڭ 15 قازانى كۇنى يراكتا وتكەن رەفەرەندۋمدا حالىقتىڭ 99،96% سادداما حۋسەيگە داۋىس بەرگەن.

الەكساندر لۋكاشەنكو. 1994 جىلدىڭ 10 ماۋسىمىندا پرەزيدەنت سايلاۋىنىڭ ەكىنشى تۋرىندا ول 80،1 % داۋىس جيناعان. 2006 جىلدىڭ 19 ناۋرىزىندا  پرەزيدەنت سايلاۋىندا ءۇشىنشى رەت جەڭدى (83 %).

ميحايلا سااكاشۆيلي. 2004 جىلدىڭ 4 قاڭتارىندا گرۋزيا حالقىنىڭ 96،27 % ونى قولداپ داۋىس بەردى.

نۇرسۇلتان نازاربايەۆ. ەل تاريحىندا وتكەن سايلاۋلاردا ول ۇنەمى 80 پايىزدان ارتىق داۋىس جيناۋمەن كەلەدى. نۇرسۇلتان نازاربايەۆ ەڭ كوپ داۋىستى 1991 جىلدىڭ 1 جەلتوقسانىندا وتكەن سايلاۋدا جيناعان (98،7 %). بۇل سايلاۋدىڭ بيۋللەتەنىندە ودان باسقا ۇمىتكەردىڭ اتى بولماعان.

ەمومالي راحمون. 1999 جىلى 6 قاراشادا تاجىكستان حالقىنىڭ 96،9 % داۋىس بەرگەن.

ساپارمۋرات نيازوۆ. 1990 جىلى 27 قازاندا 98،3 % داۋىسپەن پرەزيدەنت اتانعان.

گۋربانگۋلى بەردىمۋحامەدوۆ. تۇركمەنستاننىڭ ەكىنشى پرەزيدەنتى. 2012 جىلدىڭ 12 اقپانىندا 97،14 % داۋىس جيناعان.

يسلام كاريموۆ. بيىل باقيلىق بولعان وزبەكستان پرەزيدەنتى،  1991 جىلدان بەرى  90% پايىزدان كەم داۋىس جيناماعان.

ليەۆون تەر-پەتروسيان. 1991 جىلى 17 قازاندا ارميان حالقىنىڭ 83،4 پايىز قولداۋىمەن پرەزيدەنت اتانعان.

اياز مۋتاليبوۆ. ءازىربايجاندا  1991 جىلدىڭ 8 قىركۇيەگىندە وتكەن سايلاۋدا  وعان 98،5 % حالىق داۋىس بەرگەن.

ازىرلەگەن: دانا قامشىبەك