ريو-دە-جانەيرودا بولعان وليمپيادا كەزىندە لاڭكەستىك ارەكەت ۇيىمداستىرماق بولدى دەپ كۇدىك كەلتىرىلگەن ازاماتتى برازيليانىڭ ماتۋ-گروسسۋ شتاتىنداعى ەرەكشە قورعاۋعا الىنعان تۇرمەدە ونىمەن بىرگە جازاسىن وتەپ جاتقان سوتتالعاندار ءولىمشى ەتىپ ساباپ تاستادى، دەپ حابارلايدى Qamshy.kz قازاقپارات سايتىنا سىلتەمە جاساپ.
مەكسيكالىق Excelsior پورتالىنىڭ حابارلاۋىنشا، كۇدىكتى ۆالديرا پەرەيرا دا ءروچيدىڭ ميى ءولىپ قالعان. بۇل ادامنىڭ ءومىرى ءبىتتى دەگەن ءسوز. الايدا، ونىڭ تۋعاندارى جۇرەكتى جاساندى تۇردە جۇرگىزىپ تۇراتىن اپپاراتتان بوساتۋعا كەلىسىمىن بەرگەن جوق. پەرەيرا دە روچەگە رەسمي كىنا تاعىلعان جوق. الايدا، برازيليانىڭ پروكۋراتۋراسى تەراكتىگە بايلانىستى تەرگەۋ امالدارى ءجۇرىپ جاتقاندا ونى قاماۋدا ۇستاعان دۇرىس دەپ تاپتى.
پىكىر قالدىرۋ