ۇلتتىق ساراپتاما ورتالىعىنىڭ ماڭعىستاۋ وبلىسىنداعى فيليالى ماماندارى جەرگىلىكتى تۇرعىنداردىڭ شاعىمى بويىنشا ازىق-تۇلىكتىڭ 13 تۇرىنە ساراپتاما جاسادى.  زەرتحانالىق تالداۋ كەزىندە ونىڭ 9-ىنان ستافيلوكوكك، نيتراتتار تابىلدى جانە ولاردىڭ كەيبىرىنىڭ كوگەرگەنى انىقتالدى؟ دەپ حابارلايدى Qamshy.kz قازاقپارات سايتىنا سىلتەمە جاساپ.

ستافيلوكوكك «چۋدو» يوگۋرتىنان تابىلعان. سونداي-اق، سول جەردە جاسالعان قۇرتتىڭ كوگەرىپ كەتكەنى انىقتالعان.

بيىل تۇتىنۋشىلاردىڭ قۇقىعىن قورعاۋ دەپارتامەنتىمەن بىرلەسىپ اتالعان ورتالىق ساتىلۋىنا تىيىم سالىنعان زاتتاردىڭ ساتىلىپ جاتقاندىعىنا تەكسەرىس جۇرگىزگەن.

«9 اي ىشىندە 846 سىناما الىندى، سونىڭ ىشىندە 604 سىناما تاماق ونىمدەرىنەن الىندى. 128 ءونىمنىڭ ستاندارتتارعا جانە قاۋىپسىزدىك تالاپتارىنا ساي ەمەستىگى انىقتالدى. 70 پايىز جاعدايدا ءبىزدىڭ لابورانتتار ماركالاۋ ەرەجەلەرىنىڭ بۇزىلعاندىعىن انىقتادى»، دەيدى ۇلتتىق ساراپتاما ورتالىعىنىڭ ماڭعىستاۋ وبلىسىنداعى فيليالىنىڭ ديرەكتورى رايحان رسىمبەتوۆا.

ەسكە سالا كەتەيىك، سالمونەللەز  - جۇقپالى   ىشەك اۋرۋى قوزدىرعىشى - سالمونەللا تۋىسىنا جاتاتىن تاياقشالى باكتەريالار.

قازىرگى كەزدە 2500-دەن استام سالمونەللا باكتەرياسى بار. سالمونەللالار سىرتقى ورتادا قولايلى جاعداي تۋسا، كوبەيە بەرەدى.