Round by Round Boxing پورتالى قارسىلاستارىنا ۇرەي تۋعىزاتىن ەڭ قورقىنىشتى ءۇش بوكسشىنىڭ ءتىزىمىن جاسادى، دەپ حابارلايدى Qamshy.kz قازاقپارات سايتىنا سىلتەمە جاساپ.

بۇل توسىن تىزىمدە قازاقستاندىق گەنناديي گولوۆكين كوش باستاپ تۇر، ونىڭ قورجىنىندا كاسىبي رينگتەگى 36 جەڭىس (33 كو) بار جانە ەشقاشان جەڭىلىپ كورمەگەن. ەكىنشى ورىنعا پورتال جۋرناليستەرى رەسەيلىك بوكسشى سەرگەي كوۆاليەۆتى (30-0-1، 26 كو) قويعان، ال ءۇشىنشى ورىن - امەريكالىق تەرەنس كروۋفوردقا (29-0، 20 كو) تيەسىلى.

«ورتا سالماقتاعى WBA، IBO، WBC جانە IBF بەلبەۋلەرى بار گولوۆكين بوكس الەمىندەگى ەڭ تانىمال ەسىم. ول ەڭ ءقاۋىپتى بوكسشى ەكەنىن دالەلدەدى جانە تەك قانا ۇزدىكتەرمەن جۇدىرىقتاسقىسى كەلەدى. كوپتەگەن قارسىلاستار GGG-مەن كەزدەسۋدەن قاشىپ، اتاقتارىنان باس تارتادى»، - دەپ جازدى باسىلىم.

گولوۆكيننىڭ باپكەرى ابەل سانچەس كەلەسى اپتادا گەننادييدىڭ جاتتىعۋعا ورالاتىنىن جانە جەلتوقساندا وتەتىن كەزدەسۋگە دايىندالاتىنىن حابارلاعان ەدى.