رەسەي فەدەراسياسىنىڭ فەدەرالدىق قاۋىپسىزدىك قىزمەتىنىڭ مالىمەتى بويىنشا، كەمە جاپون تەڭىزىندەگى رەسەيدىڭ ەكونوميكالىق ايماعىنا كىرىپ كەتكەن. بۇل تۋرالى بي-بي-سي حابارلايدى.
سولتۇستىك كورەيا كەمەسىن اتقىلاۋ بارىسىندا توعىز ادام جارالانعان، بىرەۋى ارتىنان كوز جۇمعان. سونداي-اق رەسەي شەكاراشىلارىنىڭ ءبىرى كەمەنى قاراۋ بارىسىندا باسىنان جارالانعان.
"داە يانگ 10" كەمەسى جەرگىلىكتى ۋاقىت بويىنشا 16:55 –تە ۇستالعان. مالىمدەمەدە كورسەتىلگەندەي، بورتتا سولتۇستىك كورەيانىڭ 48 ازاماتى بولعان. ولار شەكاراشىلاردىڭ تالاپتارىنا مويىنسۇنباعان. فسب-نىڭ مالىمدەۋىنشە، رەسەي شەكاراشىلارى بىرنەشە رەت ەسكەرتۋ رەتىندە وق اتقانىنا قاراماستان كەمە باعىتىنان تايماعان.
كەمەنى تەكسەرۋ بارىسىندا زاڭسىز الىنعان بيورەسۋرستار تابىلعان. كەمە كومانداسى تەكسەرۋ كەزىندە قارسىلىق كورسەتكەن.
