Microsoft-تىڭ مالىمدەمەسى بويىنشا، وسى جىلدىڭ شىلدە-قىركۇيەك ايلارىندا، 2017 جىلدىڭ قارجىلىق كالەندارىندا ءبىرىنشى شيرەك بوپ قابىلدانعان مەزگىلدە كومپانيانىڭ تازا ءتۇسىمى مەن پايداسى ارتتى.

كومپانيانىڭ ءتۇسىمى، شىلدە-قىركۇيەك ماۋسىمىندا %3،1 ۇلعايىپ،  22،33 ميلليارد دوللاردى قۇراعان. Microsoft، وتكەن جىلدىڭ ۇقساس ماۋسىمىندا 21،66 ميلليارد دوللار تۇسىمگە يە بولعان ەدى.

وتكەن جىلدىڭ وسى ۋاقىتىندا 5،38 ميلليارد دوللار تازا پايدا تاپقان بولسا، وسى جىلى ۇقساس مەزگىلدە %11،3 –عا ارتىپ، 5،99 ميلليارد دوللارعا شىققان.

Microsoft-تىڭ  2017 قارجىلىق جىلى ءبىرىنشى ماۋسىمىندا تازا پايدا مەن تۇسىمدەرى ۇلعايعان سوڭ، كومپانيانىڭ اكسيالارىنىڭ جەكە قۇنى  New York بيرجاسىندا %6،1 ارتىپ،  60،75 دوللارعا قىمباتتادى.

بۇعان دەيىن كومپانيا قۇندى قاعازدارىنىڭ قىمباتۋىنىڭ ەڭ سوڭعى رەكوردى  1999  جىلدىڭ 30 جەلتوقسانى بولاتىن. ول كۇنى، قۇندى قاعازدىڭ جەكە باس قۇنى 59،97 دوللارعا كوتەرىلىپ، كۇندى 59،56 دوللارمەن اياقتاعان بولاتىن.

وسىلايشا، Microsoft-تىڭ اكسياسى بەيسەنبى كۇنى  60،75 دوللارعا تالپىنىپ، كومپانيا تاريحىنداعى ەڭ جوعارى دەڭگەيگە جەتتى. مامانداردىڭ ايتۋىنشا، بۇگىن، ياعني جۇما كۇنى دە اكسيا قىمباتتاي ءتۇسۋى مۇمكىن.