ۇستىمىزدەگى جىلدىڭ 20 قازان كۇنى شىمكەنت قالاسىندا كوممۋنالدىق قىزمەتتەر ءتاريفىنىڭ وسۋىنە بايلانىستى قالا تۇرعىندارىمەن جيىن وتكىزىلدى دەپ حابارلايدى qamshy.kz پورتالى azattyq.org سايتىنا سىلتەمە جاساپ. جىلۋ باعاسىنىڭ كوتەرىلۋىن قوعامدىق تالقىعا سالۋدى ۇسىنعان ءسۇيىن ابۋلدا ەسىمدى جىگىت شەنەۋنىكتەر تاراپىنان قولداۋعا يە بولمادى. وقو مونوپوليالاردى رەتتەۋ جانە باسەكەلەستىكتى قورعاۋ دەپارتامەنىتىنىڭ باسشىسى باقتيار اتالىقوۆتىڭ ايتۋى بويىنشا اتالمىش ازامات مىنبەرگە شىعىپ، بۇكىل قالا تۇرعىندارىنىڭ اتىنان سويلەۋگە قۇقىسى جوق. ونداي قۇقىققا تەك حالىق قالاۋلارى يە دەدى دە اتالىقوۆ مىرزا جىگىتتى جيىننان قۋىپ جىبەردى.

ءسۇيىن ابۋلدانىڭ جان ايقايىنا تەك شارۋا ءپىرمات ەسىمدى پروفەسسور عانا قۇلاق ءتۇرىپ، جاقتاسىپ سويلەدى. "قازاقتىڭ جەرى تۇنىپ تۇرعان بايلىق. ءبارى بىزدىكى. تابان استىمىزدا. سوعان قاراماستان باعالار نەگە كوتەرىلۋدە؟" دەگەن پروفەسسوردىڭ مۇڭى، شاعىمى ەلەۋسىز قالدى.