"قامشى" پورتالى بۇعان دەيىن دە، كورشىمىز جۇڭگو وندىرۋشىلەرىنىڭ ازىق-تۇلىك وندىرىسىندە قانداي قيتۇرقىلىقتارعا باراتىنى تۋرالى جازعان بولاتىن. "ەگەمەن قازاقستاندا" بىرنەشە جىل بۇرىن قىتايلىق ازىق-تۇلىككە قاتىستى ماسەلە كوتەرىلگەن. وندا "«استانا ازىق-تۇلىك بەل­دەۋىن» قالىپتاس­تى­رۋعا مەملەكەت قور­جى­نىنان ميلليون­دا­عان قارجى ءبولىندى، ناق­تى باعدارلامالار جاسالىنىپ، جان-جاق­تى قولداۋ كورسەتىلدى. ءبىراق «باياعى جارتاس، ءبىر جارتاس» دەگەندەي، استانا قالاسىنىڭ ازىق-تۇلىك قورىنا سول ازىق-تۇلىك بەلدەۋىنىڭ قوسقان ۇلەسى ماردىم­سىز. قىرۋار قارجى قۇمعا سىڭگەن سۋداي قاي­تارىمسىز كەتتى. باس قالانىڭ بازار­لا­رى مەن دۇكەن سورەلەرى سول باياعىسىنشا قى­تاي­دىڭ كوكونىسى مەن رەسەيدىڭ ءسۇت ۇنتاعىنان جاسالعان ونىمدەرمەن ساۋدانى ساپىرىپ جاتىر"، - دەپ جازادى باس گازەت.  تەك، استانا عانا ەمەس، قازاقستان نارىعىندا، اسىرەسە قىس ايلارىندا قىتايلىق كوكونىس پەن ازىق-تۇلىك ونىمدەرى مىڭداعان توننالاپ ساتىلاتىنى جاسىرىن ەمەس. "قامشى" پورتالى وقىرماندارىن بازاردا ەمىن-ەركىن ساۋدالانىپ جاتقان ساپاسىز "ازىق-تۇلىك" ونىمدەرىنەن ساق بولۋعا شاقىرادى.