قىتايدىڭ الەۋمەتتىك جەلىلەرىندە قازاقستانعا كەلەر ۆيزا ەلشىلىكسىز-اق 200 مىڭ تەڭگەگە ساۋدالانىپ جاتىر. بۇل تۋرالى "قامشى" اقپاراتتىق پورتالى ەرتاي ءنۇسىپجاننىڭ الەۋمەتتىك جەلىدەگى جازباسىنا سىلتەمە جاساپ حابارلايدى. ول، جازباسىندا، "ءبىزدىڭ ەلگە ارنالعان ءبىر ايلىق تۋريستىك ۆيزانى قىتايدىڭ qunar.com الەۋمەتتىك سايتىندا اشىق تۇردە قىتايلار ساتىپ جاتىر. وندا ۆيزا جاساتۋدىڭ اۋرە-سارساڭىنا قاراي ءارتۇرلى باعا قويىلعان. مىسالى، قىتايداعى قازاقستاننىڭ كونسۋلدىق قىزمەت دەپارتامەنتتەرىنە بارماي-اق (سوبەسەدوۆانيەسىز) ۆيزا الۋ قىزمەتىنىڭ قۇنى 4000 يۋان (شامامەن 200 000 تەڭگە) دەپ كورسەتىلگەن"، -دەپ جازادى. ديپلوماتيالىق پرينسيپ بويىنشا، ۆيزا الۋشى ازامات، ۆيزا بەرەتىن ەلدىڭ ەلشىلىگىندە قۇجاتتىق ديالوگتان ءوتۋى ءتيىس.

ەستەرىڭىزگە سالا كەتەتىن بولساق، قازاقستاندا كەلەسى جىلى وتەتىن "Expo-2017" ۇلتتىق كورمەسىنە قىتايدان ميلليون تۋريست كەلەدى دەپ كۇتىلىپ وتىر.