جاركەن بودەش ۇلى 1944 جىلى 15 مامىر دا تۋعان. ءقازمۋ-دىڭ جۋرناليستيكا فاكۋلتەتىن بىتىرگەن. حالىقارالىق «الاش» ادەبي سىيلىعىنىڭ جانە تۇركى تىلدەر ەلدەرى پوەزياسى ءىى فەستيۆالىنىڭ لاۋرەاتى. دۇنيەجۇزى قازاقتارىنىڭ قاۋىمداستىعىندا، قازاقستان جازۋشىلار وداعى باسقارماسىندا، مەرزىمدىك باسىلىمداردا جانە مەملەكەتتىك كىتاپ پالاتاسىندا جاۋاپتى قىزمەتتەر اتقارعان.
شىعارمالارى:
- كوكشە ءقۇراق. ولەڭدەر مەن پوەمالار. ا.، «جالىن»، 1979؛
- قوس قانات. ولەڭدەر. ا.، «جازۋشى»، 1982؛
- زەيىن. ولەڭدەر مەن پوەمالار. ا.، «جالىن»، 1984؛
- اسپان داۋسى. ولەڭدەر مەن پوەمالار. ا.، «جازۋشى»، 1985؛
- نۇرلى بوياۋلار. ولەڭدەر مەن پوەما-پورترەتتەر. ا.، «جالىن»، 1988؛
- جۇلدىزعا ورنىن اي بەرمەس. ولەڭدەر مەن پوەمالار. ا.، «ءسوزستان»، 1996؛
- ەمەندەر تۇندە بۇرلەيدى. ا.، «انا ءتىلى»، 2001؛
- ءبارىنىڭ اسىعى. ا.، «جازۋشى»، 2005؛
- بۇرىلىس. ا.، «سوزدىك-سلوۆار»، 2007.
- قۇبىلىس. ا.، «اتامۇرا»، 2009.
- جۇلدىزتاس. ا.، «اتامۇرا»، 2011.
وقىرمان نازارىنا اقىننىڭ "تۋعان جەر" ولەڭىن ۇسىنىپ وتىرمىز.
تۋعان جەردiڭ قار، مۇزى،
ايازىڭمەن «جۋىندىر».
تۋعان جەردiڭ بال قىزى،
بۇرىمىڭمەن بۋىندىر.
تۋعان جەردiڭ بۇلاعى،
تولقىنىڭمەن ات مەنi.
تۋعان جەردiڭ جىلانى،
شىرىلداتىپ شاق مەنi.
تۋعان جەردiڭ شەڭگەلi،
تىرنا اياماي بەتiمدi.
تۋعان جەردiڭ ەرمەنi،
اۋزىما قۇي ءوتiمدi.
تۋعان جەردiڭ دوڭىزى،
قان جوسا عىپ جارىپ كەت.
تۋعان جەردiڭ قوڭىزى،
دومالاتىپ الىپ كەت.
تۋعان جەردiڭ قاسقىرى،
كەمiر اقىن سۇيەگiن.
تۋعان جەردiڭ تاس، قۇمى،
سەنi وسىلاي سۇيەمiن!
سۋرەت: thenews.kz سايتىنان الىندى
پىكىر قالدىرۋ