اسكەري قالاشىقتاردى دامىتۋ جانە اسكەري قىزمەتشىلەردى قىزمەتتىك باسپانامەن قامتاماسىز ەتۋ قازاقستاندىق اسكەري قىزمەتشىلەردى الەۋمەتتىك تۇرعىدا قولداۋدىڭ باسىمدىق باعىتتارىنىڭ ءبىرى بولىپ تابىلادى، دەپ حابارلايدى Qamshy.kz قازاقپارات سايتىنا سالتەمە جاساپ. 

2016 جىلدىڭ 26 قازانىندا 68665 اسكەري ءبولىمىنىڭ اسكەري قىزمەتشىلەرىنە پاتەرلەردىڭ كىلتى تابىس ەتىلدى. جاڭا 2 قاباتتى 24 پاتەرلى تۇرعىن ءۇي اسكەري قالاشىقتاردى دامىتۋ باعدارلاماسى شەڭبەرىندە جەدەل سالىناتىن ۇيلەردىڭ جەكە جوباسى بويىنشا تۇرعىزىلدى.

سالىنعان ءۇي تۇرۋعا تولىعىمەن دايىن. پاتەرلەر كىرىكتىرىلگەن جيھازبەن جابدىقتالعان، كارىز جۇەيسى سالىنعان. اسكەري قىزمەتشىلەر مەن ولاردىڭ وتباسىلارى جايلى ءومىر ءسۇرۋى ءۇشىن بارلىق جاعداي جاسالعان.

اباتتاندىرىلعان اۋماقتا ويىن، بالالار الاڭقايى مەن اۆتوموبيل تۇراعى قاراستىرىلعان.

«بۇگىن ءبىز ءۇشىن قۋانىشتى كۇن. ءبىز كوپتەن كۇتكەن پاتەردىڭ كىلتىنە يە بولدىق. الەۋمەتتىك-تۇرمىستىق جاعدايىمىز جىل سايىن جاقسارىپ كەلەدى. بۇل جوعارعى قولباسشىمىز جانە قورعانىس ءمينيسترىنىڭ ەڭبەگى ەكەنىن اتاپ وتكىم كەلەدى. اسكەري قىزمەتشىلەرىمىز ەش نارسەگە الاڭداماي قىزمەتتەرىن اتقاراتىن بولدى. سەبەبى، پاتەرلەردە بارلىق جاعداي جاسالعان»، - دەپ اتاپ ءوتتى 68665 اسكەري ءبولىمنىڭ ۆزۆود كومانديرى اعا لەيتەنانت اسەت ءابىلقاسوۆ.

«قورعانىس مينيسترلىگى باسشىلىعىنىڭ قابىلداپ جاتقان شارالارىنىڭ ارقاسىندا اسكەري قىزمەتشىلەر مەن ولاردىڭ وتباسى مۇشەلەرىنىڭ كۇنكورىس دەڭگەيى مەن ءال-اۋقاتى ارتىپ كەلەدى»،-دەلىنگەن باسپا ءسوز مالىمەتتەرىندە.