قارجى مينيسترلىگىندە ەۋروپالىق قايتا قۇرۋ جانە دامۋ بانكىندە (ەقدب) قازاقستان رەسپۋبليكاسى اتىنان باسقارۋشى، قارجى ءمينيسترى ب.ت. سۇلتانوۆتىڭ ەقدب ءبىرىنشى ۆيسە-پرەزيدەنتى فيلل بەننەتپەن كەزدەسۋى ءوتتى. بۇل تۋرالى "قامشى" پورتالى قارجى مينيسترلىگىنىڭ اقپارات قىزمەتىنە سىلتەمە جاساپ حابارلاستى.

كەزدەسۋ بارىسىندا تاراپتار قازاقستان مەن ەقدب اراسىنداعى ءوزارا ءىس-قيمىل سەرپىنىن تالقىلادى، جاقىن اراداعى 4 جىلعا ىنتىماقتاستىق باسىمدىقتارىنا قاتىستى پىكىر الماستى، سونداي-اق 2017-2020 جىلدارعا ارنالعان قازاقستان ءۇشىن بانكتىڭ جاڭا ستراتەگياسىن دايىنداۋدىڭ ءبىرقاتار پراكتيكالىق ماسەلەلەرىن كوتەردى.

الدىڭعى ستراتەگياداعى سياقتى جەكە سەكتوردى دامىتۋعا قولداۋ كورسەتۋ قازاقستانداعى بانك قىزمەتىنىڭ باسىم باعىتتارىنىڭ ءبىرى بولىپ قالادى. قازاقستان بانكتىڭ جەكە سەكتورىن دامىتۋ بويىنشا بانكتىڭ كۇش-قارىمىن جوعارى باعالايتىنىن
ب. سۇلتانوۆ اتاپ ءوتتى.

            تاراپتار سونداي-اق باسىمدى باعىت رەتىندە كەڭ اۋقىمدى جەكەشەلەندىرۋدى وتكىزۋ جانە استانا قالاسىندا حالىقارالىق قارجى ورتالىعىن قۇرۋ ماتىنىندە كاپيتالدىڭ جەرگىلىكتى نارىقتارىن ىنتالاندىرۋ بويىنشا ءوزارا ءىس-قيمىل ماسەلەلەرىن تالقىلادى.

سونىمەن قاتار، ب. سۇلتانوۆ جاسىل ەكونوميكا قاعيداتتارىن ەسكەرە وتىرىپ، ينفراقۇرىلىمدىق جوبالاردى ىسكە اسىرۋدىڭ ماڭىزدىلىعىن اتاپ ءوتتى.

تاراپتار ەقدب ديرەكتورلار كەڭەسى وسى باعدارلامالىق قۇجاتتى 2017 جىلعى 1-توقساندا قابىلداۋ ماقساتىندا ستراتەگيانىڭ تولىق ءماتىنى بويىنشا جۇمىستى جالعاستىرادى.

2013 جىلعى جەلتوقساندا قابىلدانعان ەقدب-نىڭ قازاقستان ءۇشىن الدىڭعى ستراتەگياسى 2016 جىلى ارەكەتىن اياقتايتىنىن ەستەرىڭىزگە سالا كەتەيىك.

ءوز كەزەگىندە، ەقدب وكىلدەرى قازاقستان ۇكىمەتىمەن بانكتىڭ ويداعىداي ءىس-قيمىلىن جاسايتىنىن اتاپ ءوتتى. بۇل رەتتە، ولار
ب. سۇلتانوۆقا ارىپتەستىكتى كەڭەيتۋدەگى كورسەتكەن كومەگى ءۇشىن العىسىن ءبىلدىردى.

            ارىپتەستىك تۋرالى نەگىزگى كەلىسىمدەر شەڭبەرىندە جوبالاردى ىسكە اسىرۋ ناتيجەسىندە سوڭعى جىلدارى ىنتىماقتاستىق ۇدەمەلى دامىدى جانە پراكتيكالىق سيپات الدى.

قازاقستان قازىرگى ۋاقىتتا رەسەي، تۇركيا جانە ورتالىق ازيا اراسىندا قارجىلاندىرۋ بويىنشا 2ء-شى ورىن الادى.

ارىپتەستىك تۋرالى نەگىزگى كەلىسىمدەر شەڭبەرىندە ەقدب ينۆەستيسيالىق جوبالارىنىڭ ينديكاتيۆتىك قورجىنى 3 965 ملن. تەڭگە اقش دوللارىن قۇرايدى، ونىڭ ىشىندە ەقدب ۇلەسى 1 232 ملن.اقش دوللارىن قۇرايدى.

بۇدان باسقا قازاقستان رەسپۋبليكاسى قارجى مينيسترلىگى مەن ەۋروپا قايتا قۇرۋ جانە دامۋ بانكى اراسىنداعى «استانا – قاراعاندى – بالقاش – كۇرتى – قاپشاعاي – الماتى» اۆتوموبيل جولىنىڭ «ورتالىق - وڭتۇستىك» ءدالىزىن رەكونسترۋكسيالاۋ» 2152-2214 كم (كۇرتى – بۋرىلبايتال ۋچاسكەسى)» جوباسى بويىنشا كەپىلگەرلىك كەلىسىمىنە قول قويىلدى.

ەۋروپا قايتا قۇرۋ جانە دامۋ بانكى «قازاۆتوجول» ۇك» اق-عا وسى جوبانى قارجىلاندىرۋ ءۇشىن 86 ملن.اقش.دولل. سوماسىندا مەملەكەتتىك كەپىلدىك بويىنشا قارىز بەرىپ وتىر.

جوبانىڭ ماقساتى استانا قالاسىنان الماتى قالاسىنا دەيىن اۆتوكولىك قۇرالدارىنىڭ ءجۇرۋ ۋاقىتىن قىسقارتۋ، كولىكتىك قىزمەت كورسەتۋ ساپاسىن ارتتىرۋ، جكۋ-نىڭ دەڭگەيىن قىسقارتۋ جانە قورشاعان ورتاعا كولىكتىڭ تەرىس اسەرىن ازايتۋ بولىپ تابىلادى.

قاراجاتتى اكىمشىلەندىرۋدى جانە ونى پايدالانۋدى جوبانىڭ اكىمشىسى – قازاقستان رەسپۋبليكاسى ينۆەستيسيالار جانە دامۋ مينيسترلىگى جۇزەگە اسىراتىن بولادى.

جوبانى ىسكە اسىرۋ 2015-2019 جىلدارعا ارنالعان «نۇرلى جول» ينفراقۇرىلىمدىق دامۋ مەملەكەتتىك باعدارلاماسىمەن كوزدەلىپ وتىر.

ەۋروپا قايتا قۇرۋ جانە دامۋ بانكى قازاقستان رەسپۋبليكاسىنىڭ نەگىزگى ستراتەگيالىق سەرىكتەستەرىنىڭ ءبىرى بولىپ قالادى جانە وسى كەپىلگەرلىك كەلىسىمگە قول قويۋ تاراپتار اراسىنداعى جوعارى سەنىمدى راستايدى جانە ىنتىماقتاستىقتىڭ نىعايۋىنىڭ ايقىن دالەلى بولىپ تابىلادى.