دارحان كالەتايەۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى، - دەپ حابارلايدى Qamshy.kz، اقوردانىڭ سايتىنا سىلتەمە جاساپ.
"مەملەكەت باسشىسىنىڭ جارلىعىمەن دارحان امان ۇلى كالەتايەۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى"، - دەلىنگەن جارلىقتا.
سونداي-اق، پرەزيدەنت سايتىندا مەملەكەت باسشىسىنىڭ جارلىعىمەن بەرىك ساقباي ۇلى ارىن باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ ماروككو كورولدىگىندەگى، الجير حالىق دەموكراتيالىق رەسپۋبليكاسىنداعى، تۋنيس رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلعانى حابارلانىپ وتىر.
دارحان امان ۇلى كالەتايەۆ 1972 جىلى 14 قازان كۇنى شىعىس قازاقستان وبلىسى تارباعاتاي اۋدانى تۇعىل كەنتىندە تۋعان. 1994 جىلى شىعىس قازاقستان مەملەكەتتىك ۋنيۆەرسيتەتىن تاريحشى ماماندىعى بويىنشا ءبىتىردى. 1996-1997 جىلى ق ر پرەزيدەنتى جانىنداعى مەملەكەتتىك باسقارۋ ۇلتتىق جوعارى مەكتەبىن بىتىرگەن. "سوسيالنو-پوليتيچەسكايا كونسوليداسيا كازاحستانسكوگو نارودا" دەگەن تاقىرىپتا دوكتورلىق ديسسەرتاسيا قورعادى. جاستار ءومىرى جانە ولاردىڭ ساياسي-الەۋمەتتىك ماسەلەلەرى جايىندا جازىلعان كىتاپتاردىڭ اۆتورى. 2009 جىلدان باستاپ "سامۇرىق-قازىنا" ۇلتتىق ءال-اۋقات قورىنىڭ باسقارۋشى ديرەكتورى قىزمەتىر اتقاردى.
