الماتى قالاسى جاستار ساياساتى ماسەلەلەرى جونىندەگى باسقارمانىڭ باستاماسىمەن ەل تاۋەلسىزدىگىنىڭ 25 جىلدىعى مەن الماتى قالاسىنىڭ 1000 جىلدىعى جانە تۇڭعىش پرەزيدەنت كۇنىنە وراي "ALMATY YOUTH AWARDS" جوباسى شەڭبەرىندە "الماتى" ۋنيۆەرسيتەتىنىڭ ۇيىمداستىرۋىمەن الماتى قالاسى جوو جاستار ءىسى جونىندەگى كوميتەتتەرىنىڭ ۇيىمى "G 38" مۇشەلەرىنىڭ قاتىسۋىمەن "ماڭگىلىك ەلگە جول..." اتتى كونفەرەنسيا وتكىزىلدى.

"الماتى" ۋنيۆەرسيتەتىنە كەلگەن جوو ستۋدەنتتەرى اتالمىش تاقىرىپ بويىنشا بايانداما جاسادى. اتاپ ايتقاندا، قازاق ۇلتتىق اگرارلىق ۋنيۆەرسيتەتىنەن ءابدىماناپ ەلامان، قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ستۋدەنتى تۇرلىعازييەۆا نازەركە قۋانىش قىزى، ءال-فارابي اتىنداعى قاز ۇۋ اتىنان وراز ۇلجان ءالحان قىزى، ورتالىق ازيا ۋنيۆەرسيتەتىنەن ەرزات باعدات ۇلى، نۇر مۋباراك ۋنيۆەرسيتەتىنەن دەمەسباي تالعات، قازاقستان-رەسەي مەديسينالىق ۋنيۆەرسيتەتتەن ساتايەۆ ابۋباكير جانە الماتى ۋنيۆەرسيتەتىنىڭ ستۋدەنتى تۇرسىنعالي جاميلا "ماڭگىلىك ەل" ۇعىمى مەن وسى يدەيانى جۇزەگە اسىرۋ ءۇشىن نە ىستەۋ قاجەت دەگەن ماسەلەگە قاتىستى ويلارىن ورتاعا سالدى. سونىمەن قاتار،  كونفەرەنسياعا شوقان ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى، تاريح عىلىمدارىنىڭ دوكتورى، پروفەسسور، ق ر ۇعا-نىڭ كوررەسپوندەنت-مۇشەسى ح.م.ءابجانوۆ، قازاقستان حالىقتارىنىڭ اسسامبلەياسى جانىنداعى "جاراسىم" رمو حالىقارالىق بايلانىستار جونىندەگى كوميتەت ءتوراعاسى ەسەنيازوۆ ايتبەك تولەگەن ۇلى، الماتى قالاسى جاستار ساياساتى ماسەلەلەرى جونىندەگى باسقارمانىڭ قىزمەتكەرى ساندىبايەۆا ساندۋعاش قالجان قىزى كەلىپ قاتىستى.  كونفەرەنسيا سوڭىندا قورىتىندى ءسوز ايتقان پروفەسسور ح.م.ءابجانوۆ ستۋدەنتتەردىڭ باياندامالارىن تالقىلاپ، ءوز ويىن ورتاعا سالدى.